Мярэдзеж

Мярэ́дзеж — возера ў Полацкім раёне Віцебскай вобласці Беларусі ў басейне ракі Альзініца, за 32 км у напрамку на паўднёвы захад ад Полацка, паміж вёскамі Лука і Ухвішча.

Мярэдзеж
Морфаметрыя
Вышыня над узроўнем мора	142,0 м
Даўжыня	0,57 км
Шырыня	0,21 км
Плошча	0,009 км²
Аб’ём	0,00069 км³
Даўжыня берагавой лініі	1,27 км
Найбольшая глыбіня	19 м
Сярэдняя глыбіня	7,7 м
Гідралогія
Салёнасць	0,245—0,275 ‰
Празрыстасць	3,5 м
Басейн
Плошча вадазбору	0,38 км²
Размяшчэнне
Краіна	Беларусь
Рэгіён	Віцебская вобласць
Мярэдзеж
Мярэдзеж

Плошча паверхні возера 0,09 км². Даўжыня 0,57 км, найбольшая шырыня 0,21 км, даўжыня берагавой лініі 1,27 (1,38^[1]) км. Найбольшая глыбіня 19 м, сярэдняя 7,7 м. Аб'ём вады ў возеры 0,69 млн м³. Плошча вадазбору 0,38 км².
Катлавіна возера лагчыннага тыпу, выцягнутая ў напрамку з поўначы на поўдзень. Схілы катлавіны маюць вышыню 15—25 м. Берагі пясчаныя, пераважна зліваюцца са схіламі катлавіны, на паўночным захадзе возера месцамі сплавінныя. Мелкаводдзе займае каля 20 % плошчы возера^[1]. Дно да глыбіні 5 м пясчанае, глыбей — ілістае. Возера мезатрофнае^[1], зарастае ўмерана. Падводная расліннасць распаўсюджваецца да глыбіні 5 м, надводная да 25 м ад берага возера.

У паўднёвай частцы пратокай (ручаём) злучаецца з возерам Ухвішча.

Зноскі

1. Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз. — С. 428—429.