Паўднёвая брама Брэсцкай крэпасці

Паўднёвая брама — брама Валынскага ўмацавання Брэсцкай крэпасці.

Славутасць
Паўднёвая брама
52°04′38″ пн. ш. 23°39′33″ у. д.HGЯO
Краіна	Беларусь
Горад	Брэст
Будаўніцтва	1836—1838 гады
Стан	Благі
Медыяфайлы на Вікісховішчы

Узведзена ў 1836—1838 гадах у сярэдзіне курціны VI фронту (1834—1839), праз якую праходзіць казематаваны Мікалаеўскі праезд, што злучае ўмацаванне з равелінам V і далей з Кіеўскай шашой. Абапал казематаванага праезду дзве кардэгардыі, якія ацяпляліся круглымі печамі ў жалезных футаралах. У кожнай кардэгардыі маецца па 9 байніц звернутых у бок праезду. На выпадак блакавання, праезд абсталяваны варотамі з абодвух бакоў і дадатковымі пераборкамі. У казарме размяшчалася варта і Мікалаеўская гаўпвахта, жылыя казематы былі заняты артылерыйскімі майстэрнямі і лабараторыяй, казарма (1874—1878 ?) разлічана на 230 чалавек.

У перыяд Расійскай Імперыі брама называлаяся Мікалаеўскай у гонар цэсарэвіча Мікалая, аднаго з сыноў расійскага імператара Мікалая I. У час кайзераўскай акупацыі — Паўднёвай. У перыяд міжваеннай Польшчы — Холмская, па кірунку выезду з крэпасці ў бок горада Холм (цяпер Хэлм, Польшча).

У 1939—1941 гадах — Валынская брама (па назве Валынскага ўмацавання). У паваенны час называецца Паўднёвай, па кірунку свету.

• Паўднёвая брама на фотаздымках
• 
  Мікалаеўская брама на плане з «Атласа крэпасцей Расійскай імперыі», 1830-я гады
• 
  Фасад. РДВГА
• 
  Разрэз. РДВГА
• 
  Паўднёвая брама ў час кайзераўскай акупацыі. 1916
• 
  Казематы

Спасылкі

• На Вікісховішчы ёсць медыяфайлы па тэме Паўднёвая брама Брэсцкай крэпасці
• Аб'ект у Базе даных «Спадчына Брэсцкай крэпасці» (руск.)