Мікалай Аляксандравіч Дзяшкевіч

Мікалай Аляксандравіч Дзяшкевіч (11 мая 1947, Пагор’е, Карэліцкі раён — 1 жніўня 1971) — савецкі і беларускі літаратуразнавец, музеязнаўца, тэатральны крытык.

Мікалай Аляксандравіч Дзяшкевіч
Дата нараджэння	11 мая 1947(1947-05-11)
Месца нараджэння	Пагор’е, Запольскі сельсавет, Карэліцкі раён, Баранавіцкая вобласць, Беларуская ССР, СССР
Дата смерці	1 жніўня 1971(1971-08-01) (24 гады)
Месца смерці	Карэліцкі раён, Гродзенская вобласць, Беларуская ССР, СССР
Месца пахавання	Пагор’е
Грамадзянства	Беларуская ССР
Род дзейнасці	літаратуразнавец, музеязнавец, тэатральны крытык
Месца працы	Дзяржаўны літаратурны музей Янкі Купалы
Альма-матар	БДПУ

У Вікіпедыі ёсць артыкулы пра іншых людзей з прозвішчам Дзяшкевіч.

Біяграфія

Нарадзіўся на Гродзеншчыне, у в. Пагор’е каля Шчорсаў. Скончыў Астахаўскую сярэднюю школу. Паступіў і скончыў Мінскі педагагічны інстытут імя М. Горкага. Пасля сканчэння інстытута — супрацоўнік Дзяржаўнага літаратурнага музея Янкі Купалы.

Аўтар даследавання пра Янку Купалу «Ад вытокаў радаводных», дзе адным з першых падрабязна разгледзеў радавод песняра, яго шляхецкае паходжанне. Удзельнік перадач «Школьнае тэлебачанне», прысвечаных Янку Купалу.

Аўтар нататак прысвечаных Р. Барадуліну, С. Станюце, Г. Аўсяннікаву і іншым дзеячам беларускай культуры.

Трагічна загінуў 1 жніўня 1971 года на р. Нёман, калі ўратоўваў жанчыну з дзяцёнкам.

Пахаваны на могілках в. Пагор’е Карэліцкага раёна.