Мікалай Аляксандравіч Мікулік

У Вікіпедыі ёсць артыкулы пра іншых людзей з прозвішчам Мікулік.

Мікала́й Алякса́ндравіч Міку́лік (26 сакавіка 1932, Зарэчча, цяпер у Пружанскім раёне Брэсцкай вобласці — 16 чэрвеня 2024^{[крыніца?]}) — беларускі навуковец у галіне прыкладной матэматыкі. Доктар тэхнічных навук (1992), прафесар (1991). Заслужаны працаўнік адукацыі Беларусі (1995).

Мікалай Аляксандравіч Мікулік
Дата нараджэння	26 сакавіка 1932(1932-03-26) (93 гады)
Месца нараджэння	Зарэчча, Пружанскі павет, Палескае ваяводства, Польская Рэспубліка
Грамадзянства	СССР  Беларусь
Род дзейнасці	матэматык
Навуковая сфера	прыкладная матэматыка
Месца працы	БНТУ
Навуковая ступень	доктар тэхнічных навук
Альма-матар	БДУ
Узнагароды	Заслужаны работнік адукацыі Рэспублікі Беларусь (1995)

Біяграфія

У 1956 годзе скончыў БДУ, працаваў настаўнікам, дырэктарам сярэдняй школы ў вёсцы Глівін Барысаўскага раёна Мінскай вобласці. Ад 1957 — лабарант, асістэнт, старэйшы выкладчык у Беларускім дзяржаўным політэхнічным інстытуце. У 1975—1998 і 1999—2010 — загадчык кафедры вышэйшай матэматыкі машынабудаўнічага профілю БДПА (цяпер БНТУ).

Аўтар больш за 350 навуковых і навукова-метадычных дапаможнікаў, у тым ліку 10 навучальных дапаможнікаў, дзвюх манаграфій, двух вынаходніцтваў і трох патэнтаў.