Мікалай Аляксеевіч Горскі

Мікалай Аляксеевіч Го́рскі (руск.: Николай Алексеевич Горский; 4 жніўня 1904, с. Боршчына  (чач.), Кастрамская губерня — 1 кастрычніка 1968, Віцебск) — беларускі вучоны ў галіне селекцыі сельскагаспадарчай жывёлы. Доктар сельскагаспадарчых навук (1967), прафесар (1968)^[1].

Мікалай Аляксеевіч Горскі
руск.: Николай Алексеевич Горский
Дата нараджэння	4 жніўня 1904(1904-08-04)
Месца нараджэння	Боршчына[d], Бакшэеўскае сельскае пасяленне[d], Кастрамскі раён, Кастрамская вобласць, РСФСР
Дата смерці	1 кастрычніка 1968(1968-10-01) (64 гады)
Месца смерці	Віцебск, Віцебская вобласць, Беларуская ССР, СССР
Грамадзянства	Расійская імперыя  СССР
Род дзейнасці	біёлаг
Навуковая сфера	селекцыя[d]
Месца працы	Інстытут жывёлагадоўлі Акадэміі навук БССР, Віцебскі ветэрынарны інстытут
Навуковая ступень	доктар сельскагаспадарчых навук
Навуковае званне	прафесар
Альма-матар	Казанскі дзяржаўны аграрны ўніверсітэт[d]
Прэміі
Узнагароды	Медаль «За доблесную працу ў Вялікай Айчыннай вайне 1941-1945 гг.»

У Вікіпедыі ёсць артыкулы пра іншых людзей з прозвішчам Горскі.

Біяграфія

Нарадзіўся 4 жніўня 1904 года ў сяле Боршчына Кастрамской губерні. У 1926 годзе скончыў Казанскі сельскагаспадарчы інстытут  (руск.)^[1]. У 1927—1931 гадах працаваў заатэхнікам па племянной справе на Казанскай станцыі малочнай жывёлагадоўлі ў Спаску.

У 1934—1951 гадах працаваў заатэхнікам па племянной справе ў Іванаўскай і Кастрамской абласцях. У 1951 годзе скончыў завочную аспірантуру пры Казанскім сельскагаспадарчым інстытуце. У 1951—1954 гадах — на Кастрамской дзяржаўнай комплекснай сельскагаспадарчай доследнай станцыі — загадчык аддзела жывёлагадоўлі. У 1954—1959 гадах — намеснік дырэктара па навуковай рабоце, загадчык аддзелам генетыкі і развядзення сельскагаспадарчай жывёлы Інстытута жывёлагадоўлі Акадэміі навук БССР^[1]. З 1954 года М. А. Горскі працаваў у Віцебскім ветэрынарным інстытуце, загадчык кафедры прыватнай жывёлагадоўлі (1959—1968)^[1], дэкан заатэхнічнага факультэта (1960—1965).

Навуковая дзейнасць

М. А. Горскаму належаць працы па метадам фарміравання вытворчага статка кастрамской  (руск.) і швіцкай  (руск.) парод. З’яўляецца адным са стваральнікаў кастрамской пароды буйной рагатай жывёлы^[1].

Сярод апублікаваных прац:

• Каталог племенных быков Костромского ГПР / Н. А. Горский. — Кострома, 1937.
• Опыт создания массива крупного рогатого скота костромской породы в колхозах госплемрассадника : дис. … канд. с.-х. наук / Н. А. Горский. — Кострома, 1949.
• Костромская порода скота в колхозах / Н. А. Горский. — Москва : Сельхозгиз, 1952.
• Система разведения в ведущих стадах костромской породы в БССР / Н. А. Горский, Г. М. Сидоренко // Научные труды / Белорусский научно-исследовательский институт животноводства. — Минск, 1958. — Т. 1.

Узнагароды і прэміі

• Ордэн Леніна
• Медаль «За доблесную працу ў Вялікай Айчыннай вайне 1941—1945 гг.»
• Залаты медаль імя І. У. Мічурына
• Дзяржаўная прэмія СССР 1945 года за суаўтарства кастрамской пароды буйнога рагатага ската^[1]
• Грамата Прэзідыума Вярхоўнага Савета БССР (1961)
• Медалі і граматы ВДНГ СССР (1939, 1940, 1954, 1955)

Зноскі

1. Горский Николай Алексеевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 165. — 737 с.