Мікалай Валянцінавіч Маратаеў

Мікалай Валянцінавіч Маратаеў (нар. 14 чэрвеня 1965, г. Гомель, БССР) — беларускі суддзя, дэпутат.

Мікалай Валянцінавіч Маратаеў
Нараджэнне	14 чэрвеня 1965(1965-06-14) (60 гадоў) Гомель, Гомельская вобласць, Беларуская ССР, СССР
Адукацыя	юрыдычны факультэт БДУ Акадэмія кіравання пры Прэзідэнце Рэспублікі Беларусь
Месца працы	Суд Чыгуначнага раёна г. Гомеля Гомельскі абласны суд

У Вікіпедыі ёсць артыкулы пра іншых людзей з прозвішчам Маратаеў.

Біяграфія

Нарадзіўся 14 чэрвеня 1965 года ў г. Гомелі^[1].

Скончыў у 1992 годзе юрыдычны факультэт Беларускага дзяржаўнага ўніверсітэта па спецыяльнасці «правазнаўства». Служыў у радах Савецкай арміі^[1]. З красавіка 1992 года — стажор народнага суддзі народнага суда Чыгуначнага раёна г. Гомеля. З 1993 года — часова выконваў абавязкі народнага суддзі гэтага суда. З 1995 па 1998 гады — суддзя суда Чыгуначнага раёна г. Гомель. З верасня 1998 года — суддзя Гомельскага абласнога суда. З красавіка 2016^[2] года па 2024^[3] год намеснік старшыні, старшынёй судовай калегіі па крымінальных справах Гомельскага абласнога суда^[2]. Мае першы кваліфікацыйны клас суддзі^[2].

Скончыў Акадэмію кіравання пры Прэзідэнце Рэспублікі Беларусь па спецыяльнасці «Знешняя палітыка і дыпламатыя»^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Калінкавіцкай акругі № 41. Член Пастаяннай камісіі па заканадаўстве^[1].

Сям’я

Жанаты, мае сына^[1].