Мікалай Мікалаевіч Каўцэвіч

Мікалай Мікалаевіч Каўцэвіч (5 верасня 1897, Любча, Навагрудскі павет, Мінская губерня — 1 ліпеня 1949, Горкі) — беларускі фізік, прафесар (1932), заслужаны дзеяч навукі БССР (1949).

Мікалай Мікалаевіч Каўцэвіч
Дата нараджэння	5 верасня 1897(1897-09-05)
Месца нараджэння	Любча, Навагрудскі павет, Мінская губерня, Расійская імперыя
Дата смерці	1 ліпеня 1949(1949-07-01) (51 год)
Месца смерці	Горкі, Горацкі раён, Магілёўская вобласць, Беларуская ССР, СССР
Месца пахавання	Вайсковыя могілкі
Грамадзянства	Беларуская ССР
Род дзейнасці	выкладчык універсітэта
Месца працы	БНТУ Беларуская дзяржаўная сельскагаспадарчая акадэмія Уральскі дзяржаўны аграрны ўніверсітэт[d] Маскоўскі дзяржаўны ўніверсітэт прыродаўладкавання[d]
Альма-матар	Мінская мужчынская гімназія Санкт-Пецярбургскі дзяржаўны ўніверсітэт
Узнагароды	Грамата Прэзідыума Вярхоўнага Савета БССР

У Вікіпедыі ёсць артыкулы пра іншых людзей з прозвішчам Каўцэвіч.

Біяграфія

Нарадзіўся 5 верасня 1897 года ў Любчы Навагрудскага павета Мінскай губерні (цяпер — Навагрудскі раён Гродзенскай вобласці).

Па сканчэнні Навагрудскай пачатковай школы паступіў у Віленскую гімназію, затым перавёўся ў Мінскую класічную гімназію, якую паспяхова скончыў у 1909 годзе. У тым жа годзе паступіў на фізіка-матэматычны факультэт Пецярбургскага ўніверсітэта.

Служыў у арміі, працаваў у харчовай камісіі, выкладаў матэматыку.

У 1922 годзе вярнуўся ў Беларусь, выкладаў у політэхнічным інстытуце і ў інстытуце сельскай гаспадаркі.

У 1925 годзе стаў выкладчыкам сельскагаспадарчага інстытута на кафедры фізікі. У 1932 годзе яму было прысвоена званне прафесара. З 1938 года сумяшчаў працу загадчыка кафедры з пасадай дэкана агранамічнага факультэта.

У гады вайны быў накіраваны ў Свярдлоўск, дзе ў сельскагаспадарчым інстытуце да лістапада 1944 года працаваў загадчыкам кафедры фізікі, затым да лета 1945 года — прафесарам кафедры фізікі Маскоўскага гідрамеліяратыўнага інстытута.

У верасні 1945 года загадам міністра сельскай гаспадаркі СССР прызначаны дырэктарам Беларускага сельскагаспадарчага інстытута.

Памёр 1 ліпеня 1949 года ў Горках. Пахаваны ў Мінску на Вайсковых могілках.

Узнагароды

У 1940 годзе атрымаў ордэн «Знак Пашаны» і Ганаровую грамату Вярхоўнага Савета БССР. У снежні 1948 года было прысвоена званне заслужанага дзеяча навукі БССР.

Ушанаванне памяці

У 2001 годзе выйшла брашура, прысвечаная Мікалаю Мікалаевічу Каўцэвічу.

Літаратура

• Каўцэвіч Мікалай Мікалаевіч // Памяць: гіст.-дакум.хроніка Горацкага р-на. — Мн., 1996. — С. 564.
• Скаромная, С. Быў рэктарам акадэміі / С. Скаромная // Новае жыццё (Навагрудскага раёна). — 2001. — 29 снежня.
• Каўцэвіч Мікалай Мікалаевіч // Беларуская ССР : кароткая энцыклапедыя : у 5 т. — Мінск, 1981. — Т. 5. — С. 297.
• Каўцэвіч Мікалай Мікалаевіч // Памяць : гісторыка-дакументальная хроніка Горацкага раёна. — Мінск, 1996. — С. 564.