Мікалай Мікалаевіч Корбут

У Вікіпедыі ёсць артыкулы пра іншых людзей з прозвішчам Корбут.

Мікала́й Мікала́евіч Ко́рбут (14 красавіка 1963, в. Ужа Капыльскага раёна, Мінская вобласць) — беларускі дзяржаўны дзеяч.

Мікалай Мікалаевіч Корбут
Кіраўнік справамі прэзідэнта 4 снежня 2009 — 18 студзеня 2013
Прэзідэнт	Аляксандр Лукашэнка
Кіраўнік урада	Сяргей Сідорскі Міхаіл Мясніковіч
Папярэднік	Мікалай Дамашкевіч
Пераемнік	Віктар Шэйман
Нараджэнне	14 красавіка 1963(1963-04-14) (62 гады) Ужа, Доктаравіцкі сельсавет, Капыльскі раён, Мінская вобласць, Беларуская ССР, СССР
Адукацыя	Беларускі дзяржаўны інстытут народнай гаспадаркі імя В. У. Куйбышава (1988)
Узнагароды

Біяграфія

Пасля заканчэння школы паступіў у Мар’інагорскі дзяржаўны аграрна-тэхнічны тэхнікум. У 1988 годзе скончыў Беларускі дзяржаўны інстытут народнай гаспадаркі імя. В. У. Куйбышава.

Працаваў інструктарам, галоўным эканамістам фінансава-эканамічнага аддзела Камітэта па зямельнай рэформе і землеўпарадкаванню пры Савеце Міністраў Беларусі.

З 1994 года займаў пасаду начальніка ўпраўлення па абслугоўванню дыпламатычнага корпуса і афіцыйных дэлегацый «Дыпсэрвіс» Кіраўніцтва справамі прэзідэнта.

У 2001—2009 гадах — Першы намеснік кіраўніка спраў прэзідэнта.

4 снежня 2009 года быў прызначаны кіраўніком спраў прэзідэнта Рэспублікі Беларусь^[1], а 18 студзеня 2013 года быў вызвалены з пасады ў сувязі з пераходам на іншую працу^[2].

22 студзеня 2018 года ўказам прэзідэнта № 23 быў вызвалены з пасады памочніка Прэзідэнта Беларусі па агульных пытаннях у сувязі з пераходам на іншую работу і ўзгоднены на пасаду намесніка дзяржсакратара — члена Пасткама Саюзнай дзяржавы^[3].

Узнагароды

Узнагароджаны медалём «За працоўныя заслугі», ордэнам Айчыны III ступені (2016)^[4].