Мікалай Уладзіміравіч Праўдзін

Мікалай Уладзіміравіч Пра́ўдзін^[1] (руск.: Николай Владимирович Правдин; 6 студзеня 1926 — 19 верасня 2014) — вучоны ў галіне эксплуатацыі чыгуначнага транспарту, доктар тэхнічных навук (1969), прафесар (1970). Заслужаны дзеяч навукі і тэхнікі БССР (1978).

Мікалай Уладзіміравіч Праўдзін
Дата нараджэння	6 студзеня 1926(1926-01-06)
Месца нараджэння	Галіч, Галіцкі павет[d], Кастрамская губерня, РСФСР, СССР
Дата смерці	19 верасня 2014(2014-09-19) (88 гадоў)
Месца смерці	Масква, Расія
Грамадзянства	СССР  Беларусь  Расія
Род дзейнасці	навуковец
Месца працы	Расійскі ўніверсітэт транспарту[d] БелДУТ
Навуковая ступень	доктар тэхнічных навук (1969)
Навуковае званне	прафесар (1970)
Альма-матар	Маскоўскі інстытут інжынераў чыгуначнага транспарту[d] (1949)
Навуковы кіраўнік	Уладзімір Мікалаевіч Абразцоў[d] і Сяргей Уладзіміравіч Земблінаў[d]
Узнагароды

Біяграфія

Нарадзіўся ў горадзе Галіч (Кастрамская вобласць, Расія). Скончыў школу, у 1949 годзе — Маскоўскі інстытут інжынераў чыгуначнага транспарту. Працаваў у будаўнічым упраўленні ў Кастраме, ва Усесаюзным навукова-даследчым інстытуце чыгуначнага транспарту, Усесаюзным навукова-даследчым інстытуце будаўніцтва і планавання чыгунак, Якуцкай экспедыцыі Акадэміі навук СССР^[2]. Скончыў аспірантуру і ў 1954 годзе абараніў кандыдацкую дысертацыю^[2]. З 1954 года працаваў у Беларускім інстытуце чыгуначнага транспарту (сучасны Беларускі дзяржаўны ўніверсітэт транспарту), дзе са студзеня 1958 да верасня 1961 года займаў пасаду дэкана факультэта кіравання працэсамі перавозак^[3]. У 1999 годзе вярнуўся ў Маскву і працаваў у Расійскім універсітэце транспарту.

Навуковая і грамадская дзейнасць

Навуковая дзейнасць М. У. Праўдзіна звязаная з праблемамі развіцця транспартных вузлоў, прагназавання транспартных патокаў, узаемадзеяння розных відаў транспарту. Аўтар больш за 200 навуковых прац, у тым ліку манаграфій і падручнікаў. Сярод апублікаванага:

• Пассажирские станции. 2 изд. — М.,1973.
• Прогнозирование пассажирских потоков. — М., 1980 (разам з В. Я. Нягрэем),
• Взаимодействие разных видов транспорта. — Мн., 1989 (разам з В. Я. Нягрэем) і В. А. Падкапаевым).

Аўтар дзіцячых кніжак «„Стрела“ набирает скорость» и «Приключение Уголька и дядюшки Антрацита». Член Саюза журналістаў СССР і пазаштатны карэспандэнт газеты «Известия».

Узнагароды і званні

• Заслужаны дзеяч навукі і тэхнікі БССР
• Ганаровы чыгуначнік
• Іншыя ўзнагароды і прэміі.

Зноскі

1. Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13.
2. Сотников Н. // Замечательные люди земли Галичской Архівавана 11 студзеня 2020. (руск.)
3. Беларускі дзяржаўны ўніверсітэт транспарту. Факультэт кіравання працэсамі перавозак. Гісторыя факультэта.(недаступная спасылка) (руск.)