Мікалай Фёдаравіч Лоўчы

Мікалай Фёдаравіч Ло́ўчы^[1] (нар. 1 лістапада 1930) — вучоны ў галіне лесазнаўства, фізіялогіі і біяхіміі раслін, доктар біялагічных навук (1992), прафесар.

Мікалай Фёдаравіч Лоўчы
Дата нараджэння	1 лістапада 1930(1930-11-01)
Месца нараджэння	Шклоўскі раён, Беларуская ССР, СССР
Дата смерці	17 снежня 2020(2020-12-17) (90 гадоў)
Род дзейнасці	навуковец
Месца працы	Інстытут эксперыментальнай батанікі імя В. Ф. Купрэвіча НАН Беларусі
Навуковая ступень	доктар біялагічных навук (1992)
Альма-матар	Беларускі лесатэхнічны інстытут імя С. М. Кірава (1954)
Прэміі

Біяграфія

Нарадзіўся ў вёсцы Каменка Шклоўскага раёна Магілёўскай вобласці. У 1949 годзе скончыў сярэднюю школу, у 1954 годзе — Беларускі лесатэхнічны інстытут імя С. М. Кірава. Працаваў майстрам навучання на кафедры лясных культур, са снежня 1957 г. інжынерам у Аршанскім лясгасе. У 1957—1960 гг. праходзіў навучанне ў аспірантуры пры кафедры глебазнаўства і батанікі Беларускага лесатэхнічнага інстытута. У 1963 годзе абараніў кандыдацкую дысертацыю на тэму «Процессы заболачивания почв и их влияние на произрастание лесных насаждений» (навуковы кіраўнік — П. П. Рагавой). З 1960 г. М. Ф. Лоўчы працуе ў Інстытуце эксперыментальнай батанікі НАН Беларусі, з 1982 года на пасадзе загадчыка лабараторыі. У 1991 годзе абараніў доктарскую дысертацыю на тэму «Эколого-географический анализ и кадастровая оценка типов сосновых лесов Белоруссии».

Навуковая дзейнасць

М. Ф. Лоўчаму належаць навуковы працы па лясной геабатаніцы, лясной тэхналогіі, глебавай энзімалогіі. Аўтар каля 180 навуковых прац, у тым ліку 8 манаграфій.

Сярод апублікаванага:

• Леса Белорусского Полесья. — Мн., 1977. (разам з І. Д. Юркевічам і В. С. Гельтманам);
• Сосновые леса Белоруссии. — Мн., 1984.(разам з І. Д. Юркевічам);
• Берёзовые леса Беларуси. — Мн., 1992 (у сааўтарстве).

Узнагароды

• Дзяржаўная прэмія БССР 1972 г.^[2]

Зноскі

1. Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9.
2. Ловчий, Николай Федорович (доктор биологических наук; род. 1930)(недаступная спасылка) (руск.) // Нацыянальная бібліятэка Беларусі