Мільчанскі сельсавет (Вілейскі раён)

У паняцця ёсць і іншыя значэнні, гл. Мільчанскі сельсавет.

Мі́льчанскі сельсавет — былая адміністрацыйна-тэрытарыяльная адзінка ў складзе Вілейскага раёна Мінскай вобласці. Цэнтр — вёска Мільча.

Мільчанскі сельсавет
Краіна	Беларуская ССР
Уваходзіў у	Вілейскі раён
Уключаў	8 населеных пунктаў
Адміністрацыйны цэнтр	Мільча
Дата ўтварэння	12 кастрычніка 1940
Дата скасавання	17 сакавіка 1977

Утвораны 12 кастрычніка 1940 года ў складзе Крывіцкага раёна Вілейскай вобласці БССР. З 20 верасня 1944 года ў складзе Маладзечанскай вобласці, з 20 студзеня 1960 года ў складзе Мінскай вобласці. З 25 снежня 1962 года ў Вілейскім раёне. 4 красавіка 1973 года ў склад Даўгінаўскага сельсавета перададзены 7 населеных пунктаў (вёскі Заброддзе, Кутнае, Лубень, Поня, Сіўцы і хутары Вязовец, Круглае)^[1]. 17 сакавіка 1977 года скасаваны, тэрыторыя далучана да Даўгінаўскага сельсавета^[2].

На момант скасавання ў склад сельсавета ўваходзілі 8 населеных пунктаў: вёскі Вардамічы, Замошша, Мільча, Нябышына, Руччо, Рэчкі, Саланое і Слабада.