Мінск-Навіны

Аге́нцтва «Мінск-Наві́ны» (руск.: Агентство «Минск-Новости») — дзяржаўны медыяхолдынг Мінска, створаны па рашэнні Мінскага гарадскога выканаўчага камітэта 22 сакавіка 2001 года. З’яўляецца першай у Беларусі медыягрупай, якая аб’яднала друкаваныя і электронныя СМІ^[1]. Офіс размяшчаецца па адрасе Калінінградскі завулак, 20а.

Агенцтва «Мінск-Навіны»
Тып	унітарнае прадпрыемства, медыяхолдынг
Заснаванне	22 сакавіка 2001
Заснавальнікі	Мінскі гарадскі выканаўчы камітэт
Краіна	Беларусь
Размяшчэнне	220012, г. Мінск, зав. Калінінградскі, 20а.
Адрас	Мінск
Ключавыя постаці	Андрэй Крывашэеў (генеральны дырэктар)
Галіна	Сродкі масавай інфармацыі
Прадукцыя	газета, часопіс, радыёвяшчанне, інтэрнэт-СМІ
Сайт	minsknews.by

Структура

У структуру холдынга ўваходзяць^[2]:

• Інфармацыйнае агенцтва «Мінск-Навіны» і інтэрнэт-партал minsknews.by. Даменнае імя minsknews.by было зарэгістравана 19 верасня 2008 года^[1].
• Газета «Мінскі кур'ер». З’яўляецца правапераемнікам аднайменнай газеты, якая выдавалася ў 1908 годзе. Адноўленая газета ў складзе агенцтва пачала выходзіць 6 красавіка 2001 года^[1].
• Газета «Вечерний Минск». Заснавана ў 1967 годзе, у склад агенцтва «Мінск-Навіны» ўвайшла 20 красавіка 2010 года^[1].
• Часопіс для дзяцей «Качели». Далучыўся да холдынга ў 2010 годзе^[1].
• Радыё-Мінск. Пачало вяшчанне 1 сакавіка 2004 года. Працуе на частаце 92,4 FM у Мінску, а таксама ў абласных цэнтрах^[1].

Іншыя праекты

У снежні 2021 года ў холдынгу быў створаны аддзел мультымедыйных праектаў для вытворчасці відэакантэнту. Пасля падзей 2020 года быў створаны аддзел палітычных аглядальнікаў і запушчаны крос-медыйны праект «Вечерний политический канал»^[1].

Кіраўніцтва (на 2025 год)

• Генеральны дырэктар — Андрэй Крывашэеў.
• Першы намеснік генеральнага дырэктара — Андрэй Бас.
• Намеснік генеральнага дырэктара, галоўны рэдактар «Радыё-Мінск» — Дзмітрый Партон.
• Намеснік генеральнага дырэктара, галоўны рэдактар газеты «Мінскі кур’ер» — Кірыл Казакоў.
• Намеснік генеральнага дырэктара, галоўны рэдактар інфармацыйнага агенцтва «Мінск-Навіны» — Вячаслаў Бялуга.
• Галоўны рэдактар газеты «Вечерний Минск» — Юлія Дзянішчык.
• Галоўны рэдактар часопіса «Качели» — Таццяна Гуляева^[3].