Мірацічы

Міра́цічы^[2], у мясцовай гаворцы Міра́тычы^[2] (трансліт.: Miracičy, руск.: Миратичи) — вёска ў Карэліцкім раёне Гродзенскай вобласці. Уваходзіць у склад Райцаўскага сельсавета.

Вёска Мірацічы Краіна Беларусь Вобласць Гродзенская Раён Карэліцкі Сельсавет Райцаўскі Каардынаты 53°27′18″ пн. ш. 25°56′33″ у. д.HGЯO Вышыня цэнтра 135 м Насельніцтва 240[1] чалавек Часавы пояс UTC+3 Тэлефонны код +375 1597 Паштовыя індэксы 231452 Аўтамабільны код 4 СААТА 4233830051 Мірацічы на карце Беларусі ±

Мірацічы на Вікісховішчы

Гісторыя

У XIX — пачатку XX стагоддзяў вёска і 5 аднайменных хутароў у Навагрудскім павеце Мінскай губерні.

У міжваенны час мястэчка ў гміне Райца Навагрудскага павета Навагрудскага ваяводства Польскай Рэспублікі^[3]. Тым часам у вёсцы было 7 гаспадарак — Майсевічы, Булгакі, Пятроўскія, Тэраевічы, Барташэвічы і Абламовічы.

Падчас Другой сусветнай вайны, у 1944 годзе каля Міраціч партызаны абстрэльвалі немцаў пры адступленні, за што немцы спалілі вёску.

У 1940—1954 гадах цэнтр Міратыцкага сельсавета.

У 2006—2007 гадах у вёсцы быў пабудаваны новы праваслаўны храм у імя Святога Міхала Арханёла.^[4]

Славутасці

• Старыя каталіцкія могілкі
• Званіца
• Сядзіба Тарлевічаў
• сядзіба-дача Бокунаў
• Школа, пабудаваная ў 1930-я гады

Страчаная спадчына

Царква Святога Міхала Арханёла

Абраз Святога Антонія Падуанскага (1744) з міраціцкай уніяцкай царквы Міхаіла Арханёла.

• Сядзіба Барташэвічаў
• Сядзіба Абламовiчаў
• Уніяцкая царква Святога Міхала Арханёла, пабудавана ў 1713 годзе, разабрана ў міжваенны час.
• Касцёл, пабудаваны на зямлі падараванай Карповічамі, не захаваўся. У 1930-я гады група сялянак збірала сродкі на яго аднаўленне. Дошкі на аднаўленне ахвяраваў фальварак Лысакоўшчына.

Вядомыя асобы

• Чэслаў Майсевіч^[pl] — польскі палітолаг.