Мітрафан Кепель

Мітрафан Кепель (4 чэрвеня 1880, Лебедзеўская воласць Лідскага павета — 1950, Вільня) — заходнебеларускі грамадска-палітычны дзеяч.

Мітрафан Кепель
Род дзейнасці	грамадскі дзеяч
Дата нараджэння	4 (16) чэрвеня 1880
Месца нараджэння	Лідскі павет, Віленская губерня, Расійская імперыя
Дата смерці	1950
Месца смерці	Вільня, Віленскае гарадское самакіраванне, Літоўская ССР, СССР
Месца пахавання	Антокальскія могілкі
Дзеці	Юрый Кепель
Партыя	Беларуская сялянска-работніцкая грамада
Член у	Таварыства беларускай школы

Біяграфія

Праваслаўны беларус. Бацькі — Тэадор і Еўдакія.

Член Беларускай сялянска-работніцкай грамады, сябра Галоўнай управы Таварыства беларускай школы, падтрымліваў сувязь з беларускім пасольскім клубам «Змаганне» у Сейме Польскай Рэспублікі. У 1928 годзе сам балатаваўся ў Сейм. Прыхільнік вылучэння Заходняй Беларусі з Польшчы і далучэння да СССР.

Быў сябрам назіральнай рады Беларускага кааператыўнага банка ў Вільні. Супрацоўнічаў з газетай «Наша воля».

У 1944 годзе дапамог уратаваць Беларускі музей імя Луцкевіча ў касцёле св. Міхала ў Адама Станкевіча, паводле Янкі Шутовіча^[1]:

Трэба было спешна адшукаць і даставіць будаўляны матар’ял — дошкі, цвікі, транспарт. На просьбу дырэкцыі музею зрабіў гэта незабыўны прафесійны спецыяліст ад цеслярскіх сталярных і іншых работ — дзядька Кепель. Стары беларус, быўшы доўгалетні старшыня бацькоўскага камітэту Віленскай беларускай гімназіі. Ён […] зрабіў да пятнаццаці скрыняў рознага размеру […] Хутка загрузілі і перавезлі ў падвалы памянёнага касцёла. Праца была натужная, нервозная, не хапала фізічнай сілы. Я званіў тэлефонам, паведамляў іншых беларусаў, каб памаглі ратаваць скарбы музею. Усюды адказ: хавай сваю галаву, глядзі што робіцца ў горадзе, якая суматоха, спалох. Немцы ўцякаюць, выязджаюць, грузяць сваю і награбленую маёмасць, вывозяць […] У такіх варунках мы, наш скромны музейны калектыў, высіляліся, каб перанесці ці перавезці на двуколках скрыні з музейнымі скарбамі ў падвалы касцёла.^[2]

Пахаваны на Антокальскіх могілках у Вільні^[1].

З жонкай Верай (1885—1959) меў дачку Марыю, польскую акадэмічную вяслярку, і сына Юрыя, аднаго з самых вядомых польскіх акадэмічных весляроў 1930-х гадоў, бацьку польскага эканаміста і банкіра Ежы Кепеля^[pl].