Мітэнвальд

Мітэнвальд (ням.: Mittenwald) — горад у Баварыі каля нямецка-аўстрыйскай мяжы, у даліне ракі Ізар на поўначы Альпаў.

Горад Мітэнвальд ням.: Mittenwald Герб Краіна  Германія Зямля Баварыя Каардынаты 47°26′31″ пн. ш. 11°15′37″ у. д.HGЯO Плошча 132,84 км² Вышыня цэнтра 911 м[1] Насельніцтва 7209 чалавек (2017) Часавы пояс UTC+1[2] і UTC+2[2] Тэлефонны код 08823 Паштовы індэкс 82481 Аўтамабільны код GAP Афіцыйны сайт alpenwelt-karwendel.de/u… Мітэнвальд на карце Германіі ±

Медыяфайлы на Вікісховішчы

Лагер для перамешчаных асоб

Помнік «Змагарам за волю Беларусі» ў Мітэнвальдзе

Пасля Другой сусветнай вайны, ў 1946—1951 гг., у мястэчку знаходзіўся лагер для перамешчаных асоб. Лагер ДП (displaced persons — перамешчаныя асобы) месціўся над невялікім возерам Лютэнзэ (ням.: Lüttensee) у двухпавярховых казармах. Апроч беларусаў, там былі размешчаны украінцы і рускія.

У лагеры ў 1947 г. былі заснаваны беларускі садок і пачатковая школа. Выдаваўся часопіс беларускай моладзі «Вясна».

Дзяцей у садку было 13, у тым ліку 5 хлапцоў і 8 дзяўчат ад 3-х да 6-ці гадоў. Праграма навучання прадугледжвала вывучэнне вершаў, казак, песень, рухомыя гульні, маляванне, выразанне з паперы розных фігураў і арнаментаў, лепка. Настаўніцай у садку была Ганна Стома. У пачатковай беларускай школе працавала 4 класы, дзе ў 1947/1948 гг. навучалася 20 дзяцей, а ў 1948/1949 — 24. Настаўнікамі ў школе працавалі Анатолі Валюшка, Сымон Шаўцоў. Вучні старэйшых класаў былі ўдзельнікамі Беларускага скаўтынгу.

Адносіны рускай адміністрацыі лагеру да беларускай школы былі негатыўныя, а часамі нават і варожыя. Восенню 1949 г. лагер у Мітэнвальдзе быў ліквідаваны, а разам з ліквідацыяй яго перасталі існаваць школьныя ўстановы і арганізацыя Беларускіх Скаўтаў.

У 1948 годзе побач з горадам беларусамі пастаўлены помнік ў гонар Слуцкіх паўстанцаў.