Міхаіл Васілевіч Радзіеўскі

Міхаіл Васілевіч Радзіе́ўскі^[1] (нар. 25 чэрвеня 1936) — вучоны-эканаміст, доктар эканамічных навук (1990), прафесар (2000).

Міхаіл Васілевіч Радзіеўскі
Дата нараджэння	25 чэрвеня 1936(1936-06-25) (89 гадоў)
Месца нараджэння	Гярбелевічы, Q9270623?, Слонімскі павет, Навагрудскае ваяводства, Польская Рэспубліка
Грамадзянства	СССР  Беларусь
Род дзейнасці	навуковец
Навуковая сфера	эканаміст[d]
Месца працы	Беларускі дзяржаўны эканамічны ўніверсітэт БНТУ
Навуковая ступень	доктар эканамічных навук
Навуковае званне	прафесар
Альма-матар	Львоўская палітэхніка

У Вікіпедыі ёсць артыкулы пра іншых людзей з прозвішчам Радзіеўскі.

Біяграфія

Нарадзіўся ў вёсцы Гярбелевічы (зараз у Дзятлаўскім раёне Гродзенскай вобласці Беларусі). У 1957 годзе скончыў Львоўскі політэхнічны інстытут. Абараніў кандыдацкую дысертацыю ў 1964 годзе^[2]. У 1964—1966 гадах працаваў старшым навуковым супрацоўнікам у Цэнтральным навукова-даследчым і праектна-тэхналагічным інстытуце тэхнікі кіравання. У 1966—1981 гадах у Беларускім дзяржаўным інстытуце народнай гаспадаркі, дацэнт кафедры «Арганізацыя і планаванне прамысловых прадпрыемстваў»^[2]. У 1981—1990 гадах старшы навуковы супрацоўнік сектара эканомікі машынабудавання Навукова-даследчага эканамічнага інстытута Міністэрства эканомікі БССР, у 1990—1994 гадах — загадчык сектара^[2]. З 1994 года М. В. Радзіеўскі ў Беларускім нацыянальным тэхнічным універсітэце, прафесар кафедры эканомікі і кіравання навуковымі даследаваннямі, праектаваннем і вытворчасцю^[2].

Правадзейны член Міжнароднай акадэміі тэорыі і практыкі арганізацыі вытворчасці з 1998 года, эксперт і вучоны сакратар экспертнага савета Вышэйшай атэстацыйнай камісіі Рэспублікі Беларусь па эканоміцы з 1995 года^[2].

Навуковая дзейнасць

Асноўныя навуковыя працы па планаванні і бізнес-планаванні на прамысловых прадпрыемствах, аператыўным кіраванні вытворчасцю, развіццю інавацыйных тэхналогій, маркетынгу ў сістэме кіравання прадпрыемствамі. Аўтар больш за 75 артыкулаў і тэзісаў дакладаў, 3 манаграфій і 11 вучэбных дапаможнікаў^[2]. Кіраваў падрыхтоўкай 2 кандыдацкіх дысертацый^[2].

Сярод апублікаванага:

• Планирование и учёт незавершенного производства. — Мн., 1971;
• Планирование на промышленном предприятии в условиях АСУ. — Мн., 1974;
• Оперативное управление промышленным производством. — Мн., 1985;
• Развитие арендного подряда на машиностроительных предприятиях. — Мн., 1990 (разам з С. М. Танковіч)
• Организация производства: инновационная стратегия устойчивого развития предприятия. — Мн.: Управленец, 2006.

Зноскі

1. БелЭн 2001.
2. Радиевский Михаил Васильевич // ЭКОНОМИКА.BY (руск.)