Міхаіл Сцяпанавіч Міховіч

У Вікіпедыі ёсць артыкулы пра іншых людзей з прозвішчам Міховіч.

Міхаіл Сцяпанавіч Міховіч (нар. 1949) — беларускі ўрач траўматолаг-артапед. Заслужаны ўрач Рэспублікі Беларусь (2010)^[2].

Міхаіл Сцяпанавіч Міховіч
Дата нараджэння	жнівень 1949 (76 гадоў)
Месца нараджэння	Моталь, Іванаўскі раён, Пінская вобласць, Беларуская ССР, СССР
Род дзейнасці	урач, траўматолаг, артапед
Навуковая сфера	астэасінтэз[d] і дзіцячы цэрэбральны параліч[d]
Месца працы	Магілёўская гарадская бальніца хуткай медыцынскай дапамогі[d]
Навуковая ступень	кандыдат медыцынскіх навук[1]
Альма-матар	Віцебскі дзяржаўны медыцынскі ўніверсітэт
Узнагароды	Чалавек года Магілёўшчыны[d]

Біяграфія

Нарадзіўся ў Моталі Іванаўскага раёна Брэсцкай вобласці^[2].

Пасля заканчэння Мотальскай сярэдняй школы (1966) Міхаіл Міховіч паступіў у Віцебскі дзяржаўны медыцынскі інстытут^[2].

Праходзіў інтэрнатуру ў Магілёўскай гарадской бальніцы, дзе падаючага надзеі маладога спецыяліста ўгаварыў застацца загадчык аддзялення дзіцячай траўматалогіі і артапедыі Анатоль Міхайлавіч Сакалоўскі. Затым настаўнік, таленавіты ўрач-практык, з’язджае ў Мінск, а Міхаіл Міховіч узначальвае аддзяленне^[2].

Міхаіл Сцяпанавіч аб’ездзіў усе вядомыя траўматалагічныя цэнтры СССР, а затым і спецыялізаваныя клінікі Германіі, Турцыі, Польшчы, Аўстрыі, Японіі, Італіі, ЗША. Са з’яўленнем інтэрнэту шукаў інфармацыю аб канферэнцыях і навучальных семінарах. Мае шматлікія публікацыі ў навуковых часопісах, даклады на міжнародных кангрэсах, з’ездах, сертыфікаты па стажыроўцы ў Германіі, ЗША, Японіі, Бельгіі, Польшчы, Італіі, Турцыі, Славакіі. Яго імя стала вядома ў міжнароднай супольнасці траўматолагаў^[2].

Навуковая дзейнасць

М. С. Міховіч — аўтар і суаўтар больш за дзесяці вынаходак, метадычнага дапаможніка^[2].

Бібліяграфія

• Корригирующий латеральный артрориз подтаранного сустава для лечения нефиксированной формы плоскостопия у детей : инструкция по применению : [утверждена 22.07.11] / М. С. Михович [и др.]. — Гродно : ГрГМУ, 2001. — 13 с.
• Чрескостный остеосинтез при переломах дистального эпиметафиза плечевой кости у детей : автореферат диссертации … кандидата медицинских наук : 14.00.22 / Михович Михаил Степанович ; Минский государственный медицинский институт. — Минск, 1986. — 26 с.

Узнагароды

Лаўрэат прэміі Магілёўскага аблвыканкама «Чалавек года», спецыяльнай прэміі гарвыканкама «Дасягненне». Занесены ў Кнігу Славы Магілёўшчыны па выніках 2010 года, узнагароджаны медалём «За працоўныя заслугі», Ганаровымі граматамі, яму прысвоена ганаровае званне «Заслужаны ўрач Рэспублікі Беларусь» (2010).

Зноскі

1. http://kb.brl.by/index.php/heritage/item/1730-2019-g-70-gadou-z-dnya-naradzhennya-mikhaila-stsyapanavicha-mikhovicha-1949-traumatolaga-artapeda-vyshejshaj-kategoryi-kandydata-medytsynskikh-navuk-zasluzhanaga-uracha-respubliki-belarus-2010
2. 2019 г. — 70 гадоў з дня нараджэння Міхаіла Сцяпанавіча Міховіча (1949), траўматолага-артапеда вышэйшай катэгорыі, кандыдата медыцынскіх навук, заслужанага ўрача Рэспублікі Беларусь (2010) (руск.)