Міхаіл Уладзіміравіч Шалак

Міхаіл Уладзіміравіч Шалак (нар. 7 красавіка 1941, в. Зорніца, Лепельскі раён, Віцебская вобласць) — беларускі спецыяліст у галіне кармлення сельскагаспадарчай жывёлы і тэхналогіі кармоў. Доктар сельскагаспадарчых навук (1997), прафесар (1997). Акадэмік Беларускай інжынернай акадэміі (2004).

Міхаіл Уладзіміравіч Шалак
Дата нараджэння	7 красавіка 1941(1941-04-07) (84 гады)
Месца нараджэння	Зорніца, Горскі сельсавет, Лепельскі раён, Віцебская вобласць, Беларуская ССР, СССР
Грамадзянства	СССР  Беларусь
Род дзейнасці	навуковец
Навуковая сфера	заатэхнія
Месца працы	факультэт біятэхналогіі і аквакультуры БДСГА
Навуковая ступень	доктар сельскагаспадарчых навук (1997)
Альма-матар	Беларуская дзяржаўная сельскагаспадарчая акадэмія
Узнагароды	Ганаровая грамата Вышэйшай атэстацыйнай камісіі Рэспублікі Беларусь[d] (2010)

Біяграфія

Скончыў Беларускую дзяржаўную сельскагаспадарчую акадэмію (спецыяльнасць «Заатэхнія», 1968; аспірантура, 1974).

Выкладаў у Беларускай дзяржаўнай сельскагаспадарчай акадэміі (з 1968, факультэт біятэхналогіі і аквакультуры, кафедра буйной жывёлагадоўлі і перапрацоўкі жывёлагадоўчай прадукцыі, прафесар, у 1993—2003 і 2008—2013 — загадчык кафедры, 1973—1978 — дырэктар доследнай станцыі, 1981—1988 — дэкан зоаінжынернага факультэта, 1988—1991 — сакратар парткама, 2003—2008 — прарэктар па навуковай рабоце).

Навуковыя інтарэсы: распрацоўка метадаў выкарыстання біялагічна актыўных рэчываў расліннага паходжання і нізкалазернага выпраменьвання ў жывёлагадоўлі і ўплыў гэтых фактараў на якасць прадукцыі.

Узнагароды

Медаль Францыска Скарыны (2017), граматы Міністэрства сельскай гаспадаркі БССР (1978), Міністэрства вышэйшай і сярэдняй спецыяльнай адукацыі БССР (1983), Дзяржаўнага аграпрамысловага камітэта БССР (1990), Галоўнага ўпраўлення вышэйшых навучальных устаноў пры Дзяржаўнай камісіі Савета Міністраў СССР па харчаванні і закупках (1990), Міністэрства народнай адукацыі БССР (1991), Вышэйшай атэстацыйнай камісіі Рэспублікі Беларусь (2010), Падзяка Міністра сельскай гаспадаркі і харчавання Рэспублікі Беларусь (1991, 2005, 2007, 2011, 2016) і інш.

Зноскі