Мікалай Аляксандравіч Сморчак

Мікалай Аляксандравіч Сморчак (нар. 5 красавіка 1948, в. Бярэзавічы, Бабруйскі раён, Магілёўская вобласць) — беларускі архітэктар.

Мікалай Аляксандравіч Сморчак
Дата нараджэння	5 красавіка 1948(1948-04-05) (77 гадоў)
Месца нараджэння	Бярэзавічы, Каменкаўскі сельсавет, Бабруйскі раён, Бабруйская вобласць, Беларуская ССР, СССР
Альма-матар	Брэсцкі інжынерна-будаўнічы інстытут (1975)
Член у	Беларускі саюз архітэктараў

У Вікіпедыі ёсць артыкулы пра іншых людзей з прозвішчам Сморчак.

Біяграфія

Скончыў у 1975 годзе Брэсцкі інжынерна-будаўнічы інстытут па спецыяльнасці «Архітэктура» (выкладчыкі І. Д. Белагорцаў, Вараксін, Міцянін, Казакоў, Волчак). У 1975—1978 гадах галоўны архітэктар г. Новалукомль; у 1978—1979 гадах намеснік галоўнага архітэктара, у 1979—1990 гадах галоўны архітэктар г. Орша; з 1990 дырэктар «Творчай майстэрні члена Сморчака М. А.».

Член Саюза архітэктараў з 1987 года.

Творчасць

Прымаў актыўны ўдзел у распрацоўцы праектаў генеральных планаў, праектаў дэталёвай планіроўкі і праектаў забудовы мікрараёнаў г. Новалукомля і г. Оршы. Аўтар шматлікіх праектаў жыллёва-грамадзянскага прызначэння, інтэр’ераў і добраўпарадкавання гарадскіх тэрыторый, паркаў, сквераў, вуліц: помнік загінулым аднавяскоўцам у г. Новалукомль (1979); будынак музея Заслонава па вул. Молакава (1990); адміністрацыйны будынак кіраўніцтва «Белсантэхмантаж» (1996, будаўніцтва ў 2002); аддзяленне Беларусбанка (2005, будаўніцтва ў 2006) — усе ў Оршы; аддзяленне Беларусбанка па вул. Панковай у г. Ваўкавыску (2007, будаўніцтва ў 2008); аддзяленне Беларусбанка па вул. 1 Жніўня (2008, будаўніцтва ў 2009); будынак Творчай Майстэрні (1995, будаўніцтва ў 2007); добраўпарадкаванне цэнтральнай часткі горада, гістарычнай зоны, вул. Леніна (2008) — усе ў Оршы.

Зноскі