Мацей Карвацкі

Маце́й Карва́цкі (польск.: Maciej Karwacki; 30 сакавіка 1686, Унешаў, Прусія — 10 красавіка 1756, Навагрудак) — дзеяч каталіцкай царквы, лінгвіст; езуіт.

Мацей Карвацкі
Род дзейнасці	каталіцкі святар
Дата нараджэння	30 сакавіка 1686(1686-03-30)
Месца нараджэння	Уняшэва[d], Гміна Гетшвалд, Альштынскі павет, Вармінска-Мазурскае ваяводства, Польшча
Дата смерці	1756
Месца смерці	Новагародак, Новагародскі павет, Новагародскае ваяводства, Вялікае Княства Літоўскае
Грамадзянства	Рэч Паспалітая
Веравызнанне	каталіцтва і Каталіцкая Царква

У Вікіпедыі ёсць артыкулы пра іншых людзей з прозвішчам Карвацкі.

Біяграфія

Нарадзіўся ў Прусіі. 1 кастрычніка 1706 года ўступіў у Вільні ў ордэн езуітаў. вывучаў філасофію ў Рэшлю і Браневе. Прафесар рыторыкі ў Браневе (1716—1717), Рэшлю (1717—1718) і Ломжы (1718—1719), прафесар матэматыкі, яўрэйскай і грэчаскай моў, прэфект друкарні ў Вільні (1720—1732), прэфект школ у Слоніме (1736—1738), супер'ёр у Мітаве (1739—1741), прафесар матэматыкі і грэчаскай мовы ў Навагрудку (1743—1756). Аўтар граматыкі грэчаскай мовы «Grammatica Graeca», выдадзенае ў Вільні ў 1725 годзе. Са шляхецкага роду Карвацкіх, пляменнік Станіслава, брат Томаша, Людвіка Францішка, дзядзька Станіслава.

Літаратура

• Вялікае княства Літоўскае: Энцыклапедыя. У 3 т. / Рэдкал.: Т. У. Бялова (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2010. — Т. 3: Дадатак. А — Я. — 696 с. — ISBN 978-985-11-0487-7 (т. 3), ISBN 985-11-0315-2.