Марына Мікітаўна Барсток

Марына (Марыя Мікітаўна) Барсток (15 красавіка 1916, в. Наркавічы, Верхнядзвінскі раён — чэрвень 1994, Мінск) — беларускі літаратуразнавец, паэтэса. Кандыдат філалагічных навук (1950)^[1].

Марына Барсток
Асабістыя звесткі
Імя пры нараджэнні	Марыя Мікітаўна Барсток
Дата нараджэння	15 красавіка 1916(1916-04-15)
Месца нараджэння	Наркавічы[d], Дрысенскі павет, Віцебская губерня, Расійская імперыя
Дата смерці	чэрвень 1994 (78 гадоў)
Месца смерці	Мінск, Беларусь
Пахаванне	Паўночныя могілкі
Грамадзянства	Беларуская ССР  Беларусь
Альма-матар	Полацкі педагагічны тэхнікум (1935) філалагічны факультэт БДУ (1945) МДУ імя А. А. Куляшова БДПУ
Месца працы	Інстытут літаратуразнаўства НАНБ Заря
Прафесійная дзейнасць
Род дзейнасці	літаратуразнаўца, пісьменніца, паэтэса, літаратурная крытык, літаратар
Мова твораў	беларуская
Дэбют	1934
Грамадская дзейнасць
Член у	Саюз пісьменнікаў СССР Саюз беларускіх пісьменнікаў

Біяграфія

Нарадзілася ў сялянскай сям’і. У 1935 г. скончыла Полацкі педагагічны тэхнікум. Два гады настаўнічала ў мятэчку Ветрына на Віцебшчыне. Вучылася завочна ў Магілёўскім педагагічным інстытуце, з 1937 г. — студэнтка Мінскага педагагічнага інстытута імя Горкага^[1].

Пасля вызвалення Заходняй Беларусі была накіравана працаваць загадчыкам аддзела культуры Брэсцкай абласной газеты «Заря». На пачатку Вялікай Айчыйннай вайны пераехала ў Горкаўскую вобласць^[1].

У 1945 г. скончыла філалагічны факультэт Беларускага дзяржаўнага ўніверсітэта^[2], потым аспірантуру пры Інстытуце мовы, літаратуры і мастацтва АН БССР. У 1949—1979 гг. — навуковы супрацоўнік Інстытута літаратуры імя Я. Купалы АН БССР^[2][1].

Член СП СССР і Беларусі з 1951 года^[2][1].

Памерла ў чэрвені 1994 года ў Мінску. Пахаваная на Паўночных могілках Мінска (П-1, 109/21/17)^[3].

Творчасць

У друку пачала выступаць з 1949 г^[2]. Напісала кнігі «Вобраз станоўчага героя ў творчасці Якуба Коласа» (1951), «Пятро Глебка» (1952), «Вывучэнне творчасці Кузьмы Чорнага ў школе» (1959; другое, дапоўненае выданне ў 1973), «Максім Багдановіч» (1961; другое, дапоўненае выданне ў 1974), «Адзінства і разнастайнасць сучаснай беларускай паэзіі» (1973), «Руплівы поўдзень: Нарыс творчасці Генадзя Бураўкіна» (1984)^[2]. Выдала брашуру «Пятрусь Броўка» (1955), «Віднейшы беларускі дзіцячы пісьменнік Янка Маўр» (1958), «Максім Танк» (1962), «Вялікі Кастрычнік і беларуская літаратура» (1977) і інш. Адна з аўтараў «Гісторыя савецкай беларускай літаратуры» (1966), «История многонациональной советской литературы» (1977), «История белорусской советской литературы» (1977)^[2], дапаможніка для студэнтаў ВНУ «Беларуская дзіцячая літаратура» (1966). Выступала ў перыядычным друку з вершамі і артыкуламі па пытанням дзіцячай літаратуры^[2].

Зноскі

1. Барсток Марына – Белліт  (бел.) (7 ліпеня 2023). Праверана 20 ліпеня 2024.
2. Барсток Мария Никитична // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 42. — 737 с.
3. Аблажэй — Брыль – Белліт  (бел.) (14 ліпеня 2023). Праверана 20 ліпеня 2024.