Нагорнаўскі сельсавет

Наго́рнаўскі сельсавет — былая адміністрацыйна-тэрытарыяльная адзінка ў складзе Клецкага раёна Мінскай вобласці. Цэнтр — аграгарадок Лазавічы. Знаходзіўся ва ўсходняй частцы раёна.

Нагорнаўскі сельсавет
Краіна	Беларусь
Уваходзіць у	Клецкі раён
Уключае	10 населеных пунктаў
Адміністрацыйны цэнтр	Лазавічы
Дата ўтварэння	12 кастрычніка 1940
Дата скасавання	28 мая 2013
Насельніцтва (2009)	1 558
Часавы пояс	UTC+03:00
Код аўтам. нумароў	5

Утвораны 12 кастрычніка 1940 года ў складзе Клецкага раёна Баранавіцкай вобласці БССР. Цэнтр — вёска Нагорнае. З 8 студзеня 1954 года ў складзе Мінскай вобласці. 16 ліпеня 1954 года да сельсавета далучана тэрыторыя скасаванага Цецеравецкага сельсавета^[1]. З 25 снежня 1962 года ў складзе Нясвіжскага раёна, з 30 ліпеня 1966 года ў складзе адноўленага Клецкага раёна. 28 снежня 2007 года цэнтр сельсавета перанесены ў вёску Загорнае^[2], 5 лютага 2008 года — у аграгарадок Лазавічы^[3]. 28 мая 2013 года сельсавет скасаваны, тэрыторыя далучана да Красназвёздаўскага (5 населеных пунктаў: Дамарацкія, Загорнае, Заполле, Нагорнае і Рубеж) і Морацкага (5 населеных пунктаў: Ёдчыцы, Кунцаўшчына, Лазавічы, Макраны, Цецеравец) сельсаветаў^[4].

Насельніцтва сельсавета паводле перапісу 2009 года — 1558 чалавек^[5], з іх 96,5 % — беларусы, 2,1 % — рускія^[6].

На момант скасавання ў склад сельсавета ўваходзілі 10 населеных пунктаў.

Зноскі

1. Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347с.
2. Решение Клецкого районного Совета депутатов от 28 декабря 2007 г. № 51 О переносе административного центра Нагорновского сельсовета Клецкого района
3. Решение Клецкого районного Совета депутатов от 5 февраля 2008 г. № 57 О преобразовании некоторых сельских населенных пунктов в агрогородки
4. Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 31 сакавіка 2016.
5. Колькасць насельніцтва населеных пунктаў Беларусі паводле перапісу 2009 года Архівавана 2 кастрычніка 2019.
6. Этнічны склад насельніцтва сельсаветаў Беларусі паводле перапісу 2009 года