Надзея Сяргееўна Кудасава

У Вікіпедыі ёсць артыкулы пра іншых людзей з прозвішчам Кудасава.

У Вікіпедыі ёсць артыкулы пра іншых людзей з прозвішчам Рагалевіч.

Надзея Сяргееўна Куда́сава (у дзявоцтве Рагале́віч; нар. 19 верасня 1932, в. Дзякавічы, Жыткавіцкі раён, Гомельская вобласць) — беларуская самадзейная мастачка.

Надзея Сяргееўна Кудасава
Дата нараджэння	19 верасня 1932(1932-09-19) (93 гады)
Месца нараджэння	Дзякавічы, Дзякавіцкі сельсавет, Старобінскі раён, Беларуская ССР, СССР
Грамадзянства	ЗША
Бацька	Сяргей Рагалевіч[d]
Муж	Аўген Кудасаў[d] і Янка Запруднік
Род дзейнасці	мастачка
Член у	Згуртаванне беларускіх мастакоў і ўмельцаў[d]

Біяграфія

У 1944 годзе з сям’ёй старэйшага брата Міхася, які меў на той час шасцёра дзяцей, выехала ў Германію. З 1950 года ў ЗША. Жыве ў г. Самерсет^[en] (штат Нью-Джэрсі), працавала лабаранткай у медыцынскай школе. Адна з арганізатараў выставак беларускага мастацтва і ўмельства ў г. Саўт-Рывер (з 1974), уваходзіць у кіраўніцтва Згуртавання беларускіх мастакоў і ўмельцаў.

Творчасць

Працуе ў тэхніцы акварэлі і алейнага жывапісу. У творчасці адлюстроўвае маляўнічыя беларускія краявіды, узаемадзеянне чалавека з прыродай — «Сланечнік» (1970-я гг.), «Бярозы» (1976), «Васількі» (1989) і інш. Творы ўпрыгожваюць беларускія цэрквы і культурна-грамадскія цэнтры за мяжой.

Сям’я

У першым шлюбе з Аўгенам Кудасавым (1922—1983), у другім з Янкам Запруднікам (1926–2022).

Літаратура

• Ляднёва А. С. Кудасава Надзея Сяргееўна // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).