Надмагільны помнік Янку Купалу

Надмагільны помнік Янку Купалу — помнік на Вайсковых могілках у Мінску, пастаўлены ў 1971 годзе на магіле класіка беларускай літаратуры Янкі Купалы (1882—1942). Аўтарамі помніка з’яўляюцца скульптары Анатоль Анікейчык, Андрэй Заспіцкі, архітэктар Міхаіл Мызнікаў^[1].

Помнік
Надмагільны помнік Янку Купалу
53°54′34″ пн. ш. 27°35′10″ у. д.HGЯO
Краіна	Беларусь
Горад	Мінск
Скульптар	А. Анікейчык, А. Заспіцкі
Архітэктар	М. Мызнікаў
Дата пабудовы	1971 год
Статус	Гісторыка-культурная каштоўнасць Беларусі, шыфр 712Ж000044шыфр 712Ж000044

У паняцця ёсць і іншыя значэнні, гл. помнік Янку Купалу.

Побач пахаваная жонка паэта Уладзіслава Луцэвіч^[2].

Апісанне

На фоне вертыкальнай сцяны вышынёй 4,1 м з гранітных блокаў бронзавая скульптурная фігура Янкі Купалы, вышыня якой складае 3 м. Паэт паказаны седзячы, прыхінуты спінай да сцяны, рукі апушчаны, у твары — сканцэнтраванасць, паэтычны парыў. Трактоўка мяккая, абагульненая, партрэтныя рысы дэталёва прапрацаваны^[1].

Зноскі

1. 400. Магіла Купалы Янкі // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
2. Інтэрактыўная мапа Вайсковых могілак. Спецпраект «Беларускі нацыянальны некропаль» // Радыё Свабода