Налібацкі сельсавет (Стаўбцоўскі раён)

У паняцця ёсць і іншыя значэнні, гл. Налібацкі сельсавет.

Налі́бацкі сельсавет, Налібо́цкі сельсавет — адміністрацыйна-тэрытарыяльная адзінка ў складзе Стаўбцоўскага раёна Мінскай вобласці. Цэнтр — аграгарадок (да 2009 г. вёска) Налібакі. Плошча 352,8 км².

Налібацкі сельсавет
Краіна	Беларусь
Уваходзіць у	Стаўбцоўскі раён
Уключае	17 населеных пунктаў
Адміністрацыйны цэнтр	Налібакі
Дата ўтварэння	12 кастрычніка 1940, 8 чэрвеня 1963
Дата скасавання	16 ліпеня 1954
Насельніцтва (2019)	959
Часавы пояс	UTC+03:00
Тэлефонны код	+375 1717
Код аўтам. нумароў	5
Афіцыйны сайт

Гісторыя

Утвораны 12 кастрычніка 1940 года ў складзе Івянецкага раёна Баранавіцкай вобласці БССР. З 8 студзеня 1954 года ў складзе Маладзечанскай вобласці. 16 ліпеня 1954 года скасаваны, тэрыторыя ўвайшла ў склад новаўтворанага Прудскага сельсавета^[1].

8 чэрвеня 1963 года цэнтр Прудскага сельсавета перанесены ў вёску Налібакі, сельсавет перайменаваны ў Налібацкі сельсавет^[2]. У 1977 годзе скасаваны хутар Стокі^[3], у 1980 годзе — хутар Тарасава^[4].

Насельніцтва

Насельніцтва сельсавета паводле перапісу 2009 года — 1304 чалавекі^[5], з іх 66,0 % — палякі, 31,1 % — беларусы, 2,3 % — рускія^[6]; паводле перапісу 2019 года — 959 чалавек^[7].