Народная справа

«Наро́дная спра́ва» — газета рэвалюцыйна-дэмакратычнага кірунку ў Заходняй Беларусі, орган Беларускай сялянска-работніцкай грамады (БСРГ). Выдавалася з 19 чэрвеня да 27 лістапада 1926 года ў Вільні на беларускай мове 2 разы на тыдзень замест закрытай газета «Беларуская справа». Выдавец П. Мятла. Выйшла 39 нумароў, з іх 6 канфіскаваны. Закрыта польскімі ўладамі.

«Народная справа»
Тып	газета
Выдавец	Пятро Васільевіч Мятла
Краіна	Польская Рэспубліка
Заснавана	19 чэрвеня 1926
Спыненне публікацый	27 лістапада 1926
Палітычная прыналежнасць	Беларуская сялянска-работніцкая грамада
Мова	беларуская
Галоўны офіс	Вільня

Крытыкавала ўнутраную і знешнюю палітыку Польшчы, пісала пра стварэнне новых арганізацый, правядзенне павятовых з’ездаў БСРГ, пра эканамічнае і палітычнае становішча ў БССР і інш. Падрабязна інфармавала насельніцтва Заходняй Беларусі пра забастоўку вуглякопаў Англіі. Друкавала творы Цёткі, М. Васілька, А. Салагуба, П. Пестрака, Улад-Ініцкага, Я. Маланкі і інш., артыкулы пра Цётку і Я. Коласа.

Адзначыла 20-годдзе выхаду газет «Наша доля» і «Наша ніва».

Літаратура

• С. В. Говін. «Наро́дная спра́ва» // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• «Народная справа» // Бібліятэка Акадэміі навук Літвы імя Урублеўскіх