Наста Кудасава

Наста Кудасава, поўнае імя Настасся Фёдараўна Кудасава (нар. 25 мая 1984, Рагачоў, Гомельская вобласць) — беларуская паэтэса.

Наста Кудасава
Асабістыя звесткі
Дата нараджэння	25 мая 1984(1984-05-25)[1] (41 год)
Месца нараджэння	Рагачоў, Рагачоўскі раён, Гомельская вобласць, Беларуская ССР, СССР
Альма-матар	філалагічны факультэт БДУ
Прафесійная дзейнасць
Род дзейнасці	паэтка, літаратуразнаўца, літаратар
Мова твораў	беларуская
Прэміі	Прэмія імя Міхася Стральцова (2021) Гліняны Вялес (2022) прэмія імя Наталлі Арсенневай (2022)
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Кудасава.

Біяграфія

Вучылася ў сярэдняй школе № 5 г. Рагачова. Скончыла ў 2006 годзе аддзяленне рускай філалогіі філалагічнага факультэта БДУ, магістратуру БДУ па спецыяльнасці «Літаратуразнаўства» (2007).

Займаецца выхаваннем дваіх дзяцей: сына Ягора і дачкі Марыі.

Творчасць

Пачала пісаць вершы з шасці гадоў. У перыядычных выданнях вершы друкуюцца з 1999 г. («Наша Ніва», «Літаратурная Беларусь», «Дзеяслоў», «Маладосць», «Верасень» і інш.). Аўтар кніг паэзіі «Лісце маіх рук» (Логвінаў, 2006), «Рыбы» (2013), «Маё невымаўля» (2016), «Вясна. Вуснам цесна» (2021). З’яўляецца ўдзельнікам альманахаў «Скрыпторый», «Літаратурны квартал», зборніку паэзіі «Яна і я», удзельнік праекту «Начная чытанка» (2007) і розных паэтычных фестываляў.

Творы перакладзены на рускую, украінскую, англійскую, польскую, чэшскую і балгарскую мовы.

Прызнанне

• Заахвочвальная прэмія часопіса «Дзеяслоў» у 2003 годзе (намінацыя «Дэбют»);
• Прэмія Беларускага ПЭН-цэнтра «Кніга году — 2016»;
• Стыпендыя імя Магдалены Радзівіл для пісьменніц і перакладчыц у 2018 годзе;
• Прэмія «Празрысты Эол» у 2018 годзе ў намінацыі «Найлепшая паэтычная публікацыя года»;
• Лаўрэатка першага фэсту Уладзіміра Караткевіча (2019);
• Лаўрэатка літаратурнай прэміі імя Міхася Стральцова (2021);
• Лаўрэатка Глінянага Вялеса за кнігу «Побач» (2022);
• Лаўрэатка паэтычнай прэміі імя Наталлі Арсенневай за кнігу «Побач» (2022)^[2].

Бібліяграфія

Паэзія

• «Лісьце маіх рук». Мінск: Логвінаў, 2006. — 76 с.
• «Рыбы». Мінск: Харвест, 2013. — 64 с.
• «Маё невымаўля». Мінск: Кнігазбор, 2016. — 116 с.
• «Вясна. Вуснам цесна». Мінск: Кнігазбор, 2021. — 188 с.
• «Я працягваю». Візенбург/Марк (Германія): Hochroth, 2023.

Творы ў часопісах

• Вершы. Дзеяслоў, № 15 Архівавана 19 чэрвеня 2013.. Мінск
• Вершы. Дзеяслоў, № 5 Архівавана 20 чэрвеня 2013.. Мінск
• Вершы. Маладосць, № 5, 2008 г.
• Вершы. Верасень, № 1, 2009 г.
• Вершы на сайце Родныя Вобразы Архівавана 23 красавіка 2012.

Пераклады

• Пераклад вершаў на рускую мову: Сибирские огни № 2, 2009 г.

Рэцэнзіі на творчасць Н. Кудасавай

• Рэцэнзія Вікі Трэнас на кнігу «Лісьце маіх рук» на сайце «Новая Эўропа»(недаступная спасылка)
• Рэпартаж Севярына Квяткоўскага з прэзентацыі кнігі на svaboda.org