Наталля Васілеўна Касабука

Наталля Васілеўна Касабука (нар. 18 ліпеня 1956, Віцебск) — беларуская архітэктарка, дырэктарка інстытута «Віцебскграмадзянпраект». Заслужаны будаўнік Беларусі (2019).

Наталля Васілеўна Касабука
Дата нараджэння	18 ліпеня 1956(1956-07-18) (69 гадоў)
Месца нараджэння	Віцебск, Віцебская вобласць, Беларуская ССР, СССР
Грамадзянства	Беларусь
Месца працы	Віцебскграмадзянпраект
Узнагароды	нагрудны знак «За заслугі ў будаўніцтве» (2010)

У Вікіпедыі ёсць артыкулы пра іншых людзей з прозвішчам Касабука.

Біяграфія

Нарадзілася 18 ліпеня 1956 года ў Віцебску. З 1977 года працуе ў абласным дзяржаўным унітарным праектным прадпрыемстве «Інстытут Віцебскграмадзянпраект». У верасні 2007 года прызначаная яго дырэктаркай^[1].

Дзейнасць

Наталля Касабука ўнесла значны ўклад у распрацоўку праектнай дакументацыі па рэканструкцыі плошчы Перамогі ў Віцебску^[1].

Пад яе кіраўніцтвам распрацаваныя і рэалізаваныя сацыяльна значныя аб’екты Віцебска: Летні амфітэатр, марфалагічны корпус і бібліятэка медыцынскага ўніверсітэта, Дом правасуддзя, будынак абласнога суда, мадэрнізацыя прыбудовы аблвыканкама. Таксама яна курыравала аб’екты да фестывалю «Дажынкі-2008» у Оршы, а таксама забудовы мікрараёнаў «Білева-1», «Білева-2», тэрыторыі каля медыцынскага цэнтра, праект Полацкага пуцеправода ў Віцебску і мікрараёна «Задзвінне-3» у Оршы^[1].

Узнагароды

Ганаравана званнем Заслужанага будаўніка Беларусі (2019)^[2]. У 2008 годзе стала пераможцай рэспубліканскага конкурсу Міністэрства архітэктуры і будаўніцтва Беларусі «За дасягненні ў будаўнічай галіне Рэспублікі Беларусь» у катэгорыі «Кіраўнік года» сярод праектных арганізацый^[1].

У 2010 годзе ўзнагароджаная нагрудным знакам Саюза будаўнікоў «За заслугі ў будаўніцтве»^[1].