Наталля Хусаінаўна Эстэмірава

Наталля Хусаінаўна Эстэмірава (28 лютага 1958, Свярдлоўская вобласць — 15 ліпеня 2009, Газі-Юрт, Інгушэція) — расійская праваабаронца, журналіст, супрацоўніца Праваабарончага цэнтра «Мемарыял» у Грозным. Скрадзена каля свайго дома ў Грозным і забіта. Яе смерць выклікала грамадскі і міжнародны рэзананс.

Наталля Хусаінаўна Эстэмірава
руск.: Наталья Эстемирова
Асабістыя звесткі
Дата нараджэння	28 лютага 1958(1958-02-28)
Месца нараджэння	Камышлоў, Свярдлоўская вобласць, РСФСР, СССР
Дата смерці	15 ліпеня 2009(2009-07-15)[1] (51 год)
Месца смерці	Газі-Юрт[d], Сельскае паселішча Газі-Юрт[d], Назранаўскі раён[d], Інгушэція, Расія
Грамадзянства	СССР  Расія
Альма-матар	Чачэнскі дзяржаўны ўніверсітэт[d] МДУ
Прафесійная дзейнасць
Род дзейнасці	журналістка, праваабаронца, пісьменніца, выкладчык
Грамадская дзейнасць
Член у	Мемарыял
Узнагароды	прэмія імя Ганны Паліткоўскай[d] (2007) медаль Роберта Шумана[d] (2005) прэмія «За правільны лад жыцця»[d]
Медыяфайлы на Вікісховішчы

У 2004 намінавалася на прэмію Сахарава, адзначана 13 студзеня 2005 медалём імя Роберта Шумана^[2]. Лаўрэатка прэміі імя Ганны Паліткоўскай у 2007 годзе. За сваю дзейнасць шмат разоў крытыкавалася прарасійскім чачэнскім кіраўніцтвам.

Згодна інфармацыі Human Rights Watch Эстэміраву выкралі 15 ліпеня 2009 каля яе дома ў Грозным прыкладна а 08:30. Яе калегі праваабаронцы ўзнялі трывогу, калі яна не прыйшла на запланаваную сустрэчу. Былі апытаныя суседзі^[3]. Па дадзеным калег «Два сведкі бачылі з гаўбца, як на вуліцы Багдана Хмяльніцкага, дзе Наталля пражывае, яе запхалі ў белы аўто маркі ВАЗ, яна паспела пракрычаць, што яе выкрадаюць»^[3].

Як паведаміла прэс-служба Следчага камітэта пракуратуры Расіі, цела жанчыны з кулявымі раненнямі ў галаву і грудзі было знойдзена а 16:30 (па дадзеным МУС Інгушэціі — а 17:20) па маскоўскаму часу ў лесапаласе за 100 метраў ад федэральнай аўтадарогі «Каўказ» каля сяла Газі-Юрт Назранаўскага раёна Інгушэціі. У яе торбе знайшлі пашпарт, пасведчанне члена экспертнага савета апарата ўпаўнаважанага па правах чалавека ў РФ па Чачэнскай рэспубліцы і мандат грамадскага назіральніка камісіі па грамадскім кантролю ў месцах прымусовага ўтрымання на імя Наталлі Эстэміравай^[4].

Рамзан Кадыраў у інтэрв’ю расійскай службе радыё Свабода назваў Эстэміраву «Жанчынай без гонару, годнасці і сумлення»^[5].

Зноскі

1. Russian activist 'found murdered' // BBC News Online — 2009.

   <a href='https://wikidata.org/wiki/Track:Q4704926'></a>
2. Узнагароджанне г-кі Наталлі Эстэміравай і г-на Сяргея Кавалёва медалём Роберта Шумана Архівавана 21 ліпеня 2009. (англ.) // Еўрапейская народная партыя — Еўрапейскія дэмакраты, Страсбург, 13 студзеня 2005 г.
3. Знойдзена цела выкрадзенай у Грозным праваабаронцы (руск.)
4. Громкое убийство (руск.) // Інтэрфакс, 16 ліпеня 2009 г. (руск.)
5. «Жанчынай без гонару, годнасці і сумлення» (руск.) // Газета.ру 10 жніўня 2009