Нацыянальны тэхнічны ўніверсітэт «Харкаўскі політэхнічны інстытут»

Нацыянальны тэхнічны ўніверсітэт «Харкаўскі політэхнічны інстытут» (укр.: Національний технічний університет «Харківський політехнічний інститут») — украінская дзяржаўная вышэйшая навучальная ўстанова са статусам нацыянальнага ўніверсітэта, размешчаная ў Харкаве.

Нацыянальны тэхнічны ўніверсітэт «Харкаўскі політэхнічны інстытут»
Національний технічний університет «Харківський політехнічний інститут»
Арыгінальная назва	Національний технічний університет «Харківський політехнічний інститут»
Міжнародная назва	National Technical University «Kharkiv Polytechnic Institute»
Заснаваны	1885
Тып	політэхніка
Рэктар	Q20810791?
Студэнты	12 000
Дактары	190
Краіна	Украіна[1]
Размяшчэнне	Харкаў
Узнагароды
Сайт	kpi.kharkov.ua/ukr/
Медыяфайлы на Вікісховішчы

Гісторыя

Харкаўскі політэхнічны інстытут - гэта першая тэхнічная ВНУ ва ўкраінскіх губернях Расійскай імперыі і другі тэхналагічны інстытут імперыі. Рашэнне аб адкрыцці было прынята ў 1870-х гадах. Інстытут урачыста адкрыты 14 верасня 1885 года як практычны тэхналагічны інстытут з двума аддзяленнямі - механічным і хімічным, на якія прымалася ўсяго 125 чалавек. На момант адкрыцця ў інстытуце было 17 выкладчыкаў, 10 прафесараў і 7 ад'юнктаў. У 1898 годзе ўстанову ў сувязі з паглыбленнем тэарэтычнай адукацыі перайменавалі ў Тэхналагічны інстытут імператара Аляксандра ІІІ. У 1921 годзе пры інстытуце быў адкрыты першы ва Украіне працоўны факультэт. У 1923 годзе яму надалі імя У. І. Леніна. У 1929 годзе Харкаўскі тэхналагічны інстытут імя У. І. Леніна рэарганізаваны ў Харкаўскі політэхнічны інстытут імя Леніна. У красавіку 1994 года Кабінет Міністраў Украіны прысвоіў Харкаўскаму політэхнічнаму інстытуту статус дзяржаўнага політэхнічнага універсітэта. У 2000 годзе па загадзе прэзідэнта Украіны ВНУ атрымала статус нацыянальнай і стала называцца Нацыянальным тэхнічным ўніверсітэтам «Харкаўскі політэхнічны інстытут».

Структура

• Ваенны інстытут танкавых войскаў
• Інстытут энергетыкі, электронікі і электрамеханікі
• Інстытут механічнай інжынерыі і транспарту
• Інжынерна-фізічны інстытут
• Інстытут хімічных тэхналогій і інжынерыі
• Інстытут эканомікі, менеджменту і міжнароднага бізнесу
• Факультэт міжнароднай адукацыі
• Факультэт сацыяльна-гуманітарных тэхналогій
• Факультэт камп'ютарных навук і праграмнай інжынерыі
• Факультэт камп'ютарных і інфармацыйных тэхналогій
• Міжгаліновы інстытут паслядыпломнай адукацыі
• Цэнтр завочнага і дыстанцыйнага навучання
• Харкаўскі камп'ютарна-тэхналагічны прафесійны каледж
• Палтаўскі політэхнічны прафесійны каледж