Неатыянта клабучковая

Неатыя́нта клабучковая^[1] (Neottianthe cucullata) — від кветкавых раслін з роду Неатыянта (Neottianthe) сямейства Архідныя.

Неатыянта клабучковая
Neottianthe cucullata var. calcicola
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Архідныя Падсямейства:  Orchidoideae Трыба:  Orchideae Падтрыба:  Orchidinae Род:  Неатыянта Від:  Неатыянта клабучковая
Міжнародная навуковая назва
Neottianthe cucullata (L.) Schlechter
Выявы на Вікісховішчы NCBI   431293 EOL   1137749 IPNI   645408-1 TPL   kew-134338

Батанічнае апісанне

Батанічная ілюстрацыя Генры Карэвона  (фр.) з кнігі «Album des orchidées de l'Europe centrale et septentrionale»

Невялікая шматгадовая травяністая расліна з адзіночным шарападобным каранёвым клубнем. Сцябло тонкае, граністае, 10—25 см вышынёй, з двума лістамі пры яго аснове. Ніжні ліст эліптычны, верхні больш вузкі, ланцэтны. Кветкі дробныя, фіялетава-ружовыя, часам белыя. Суквецце — рыхлы, аднабокі^[2] колас. Плод — каробачка

Квітнее ў канцы ліпеня — пачатку жніўня. Размнажэнне насеннем^[2].

Арэал

Усход Сярэдняй Еўропы, Усходняя Еўропа, поўдзень Сібіры, Манголія, поўдзень Далёкага Усходу, Паўночны Кітай, Карэйскі паўвостраў, Японія^[3].

Ахова

Пад дзяржаўную ахову ў Беларусі ўзята ўпершыню ў 1964 г. Уключаны ў Чырвоную кнігу Беларусі 1-га і 2-га выданняў (1981, 1993). Ахоўваецца ў Латвіі, Літве, Украіне і Польшчы. Уключана ў Дадатак II да Канвенцыі СІТЭС^[4].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 87. — 160 с. — 2 350 экз.
2. Гнездоцветка клобучковая Архівавана 19 верасня 2016. (руск.)
3. Красная Книга Челябинской области Архівавана 14 кастрычніка 2009. (руск.)
4. Неатыянта клабучковая ў Чырвонай кнізе Беларусі Архівавана 13 жніўня 2011. (руск.)