Новаапостальская царква

Новаапо́стальская царква́ — міленіястычная дэнамінацыя, якая вылучылася з Каталіцкай апостальскай царквы ў Германіі ў 1863 годзе ў выніку схізмы. У канцы XIX стагоддзя дзейнічала таксама ў Нідэрландах.

Новаапостальская царква ў Мінску

Асноўнымі ідэямі новаапостальскага вучэння ёсць прэміленіялізм і другое прышэсце. Большасць астатніх дактрынаў супадаюць з хрысціянскімі, найболей з пратэстанцкімі (асабліва літургія), у той час як іерархія і арганізацыя параўнальная з рыма-каталіцкай царквой.

Новаапостальская царква лічыць сябе ўзноўленай прадаўжальніцай ранняй царквы, а сваіх лідараў — наступнікамі дванаццаці апосталаў. У пэўных аспектах гэтае вучэнне падобнае да рэстаўрацыянізму.

Гл. таксама

Новаапостальская царква ў Рэспубліцы Беларусь

Спасылкі

• На Вікісховішчы ёсць медыяфайлы па тэме Новаапостальская царква
• Новаапостальская царква ў Беларусі (руск.)
• Міжнародная старонка Новаапостальскай царквы (англ.)