Новае Палессе (газета)

У паняцця ёсць і іншыя значэнні, гл. Новае Палессе.

«Но́вае Пале́ссе» — Жыткавіцкая раённая грамадска-палітычная газета, выдаецца з 1931 года.

«Новае Палессе»
Тып	газета
Фармат	А3, 4—16 старонак
Галоўны рэдактар	Святлана Севасцьянава
Заснавана	люты 1931
Мова	беларуская, руская
Галоўны офіс	г. Жыткавічы, вул. К.Маркса, 8, 247960
Вэб-сайт	www.palese.by

Гісторыя

Першапачаткова выдавалася пад назвай «Прымежны Камунар». Першы нумар газеты быў надрукаваны ў лютым 1931 года. У той час Жыткавіцкі раён быў прымежным, бо па рацэ Случ праходзіла дзяржаўная мяжа паміж СССР і Польшчай. У 1939 годзе газета была перайменавана ў «Ленінскі шлях». У гады Вялікай Айчыннай вайны, у перыяд акупацыі Жыткаўшчыны нямецка-фашысцкімі захопнікамі, газета вымушана была спыніць сваё існаванне. У ліпені 1944 года раён быў вызвалены, і ў кастрычніку гэтага ж года выйшаў першы пасляваенны нумар «Ленінскага шляху». 26 красавіка 1962 года жыткавіцкая раённая газета стала міжраённай і атрымала назву «Новае Палессе», а праз год ёй быў вернуты статус раённай^[1].

За актыўны ўдзел у камуністычным выхаванні працоўных раёна, мабілізацыі іх на паспяховае рашэнне задач гаспадарчага і культурнага будаўніцтва і ў сувязі з 50-годдзем з дня выхаду першага нумару ўказам Прэзідыума Вярхоўнага Савета БССР 21 лютага 1981 года жыткавіцкая раённая газета «Новае Палессе» ўзнагароджана Ганаровай граматай Вярхоўнага Савета БССР.

Выходзіць 2 разы на тыдзень: па серадах і суботах.

Зноскі

1. Гісторыя газеты «Новае Палессе»