Новая Грэбля

Геаграфія

Размяшчэнне

У 14 км на паўднёвы ўсход ад Брагіна, 43 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 133 км ад Гомеля.

Гідраграфія

На поўдні і захадзе пойма ракі Брагінка.

Транспартная сетка

Транспартныя сувязі па прасёлкавай, затым аўтамабільнай дарозе Камарын — Хойнікі. Планіроўка складаецца з кароткай просталінейнай вуліцы, блізкай да мерыдыянальнай арыентацыі. Забудова драўлянымі хатамі сядзібнага тыпу.

Гісторыя

Вядомая з XIX стагоддзя як вёска ў Савіцкай воласці Рэчыцкага павета Мінскай губерні.

У 1931 годзе арганізаваны калгас "Новая Грэбля", працавала гамарня. Падчас Вялікай Айчыннай вайны на франтах і ў партызанскай барацьбе загінулі 90 мясцовых жыхароў, у памяць пра якія ў 1967 годзе збудаваны абеліск. У 1959 годзе ў складзе калгасу імя В. І. Чапаева (цэнтр - вёска Старыя Хракавічы).

Да 26 сакавіка 1987 года вёска ўваходзіла ў склад Чамярыскага сельсавета^[2], да 1 снежня 2009 года — у склад Хракавіцкага сельсавета^[3], пасля — зноў у складзе Чамярыскага сельсавета.

Насельніцтва

Колькасць

2004 год — 15 гаспадарак, 44 жыхара.

Дынаміка

1897 год — 13 двароў, 97 жыхароў (паводле перапісу).
1908 год — 17 двароў, 128 жыхароў.
1930 год — 24 двары, 143 жыхара.
1959 год — 194 жыхара (паводле перапісу).
2004 год — 15 гаспадарак, 44 жыхара.

Зноскі

[1]
Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
[2]
Рашэнне выканкома Гомельскага абласнога Савета народных дэпутатаў ад 26 сакавіка 1987 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1987, № 23 (1901).
[3]
Решение Гомельского областного Совета депутатов от 1 декабря 2009 г. № 276 Об изменении административно-территориального устройства Брагинского района Гомельской области

Remove ads