Няманя Мілунавіч

Няманя Мілунавіч (сербск.: Немања Милуновић; нар. 31 мая 1989, Чачак, Сербія) — сербскі футбаліст, абаронца бялградскай «Црвены Звезды».

Няманя Мілунавіч
Агульная інфармацыя
Нарадзіўся	31 мая 1989(1989-05-31)[1] (36 гадоў) Чачак, абшчына Чачак[d], супольнасць Кралева[d], Сацыялістычная Рэспубліка Сербія, СФРЮ
Грамадзянства	Сербія
Рост	194 см
Вага	86 кг
Пазіцыя	абаронца
Інфармацыя пра клуб
Клуб	Црвена Звезда
Нумар	19
Клубная кар’ера[* 1]
2008—2011 Борац (Чачак) 4 (1) 2008—2009 →  Младаст (Лучані) 30 (0) 2010—2011 →  Младаст (Лучані) 26 (0) 2011—2015 Младаст (Лучані) 96 (12) 2015—2018 БАТЭ (Барысаў) 59 (6) 2019—2021 Црвена Звезда (Бялград) 54 (6) 2021—2022 Аланьяспор 27 (1) 2022— Црвена Звезда (Бялград)
Нацыянальная зборная[* 2]
2016—2019 Сербія 4 (1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 ліпеня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 25 чэрвеня 2021
Медыяфайлы на Вікісховішчы

Клубная кар’ера

Пачынаў кар’еру ў клубе сербскай Суперлігі «Борац» з роднага горада Чачак. Аднак замацавацца ў «Борацы» не здолеў, таму аддаваўся ў арэнду клубу Першай лігі «Младаст» (Лучані). У складзе «Младасці» стаў асноўным іграком, а ў 2013 годзе таксама і капітанам каманды. Па выніках сезона 2013/14 дапамог свайму клубу выйсці ў Суперлігу.

У лютым 2015 года накіраваўся на прагляд у барысаўскі БАТЭ і здолеў добра сябе зарэкамендаваць. 21 лютага 2015 года згуляў свой апошні матч за «Младаст», а 6 сакавіка падпісаў кантракт з БАТЭ^[2]. У хуткім часе замацаваўся ў асноўным складзе барысаўчан на пазіцыі цэнтральнага абаронцы, дзе замяніў Ягора Філіпенку, які перайшоў у «Малагу». Дзякуючы выдатнай гульні, Мілунавіч быў прызнаны найлепшым абаронцам чэмпіянату Беларусі 2015^[3].

У снежні 2015 года падоўжыў кантракт з БАТЭ^[4]. Пачатак сезона 2016 прапусціў з-за траўмы, пазней вярнуўся ў строй, але ў ліпені з-за чарговай траўмы выбыў да канца сезона. У сезоне 2017 вярнуўся ў стартавы склад, хоць часам выбываў з-за траўм, і па выніках сезона зноў быў прызнаны найлепшым абаронцам чэмпіянату.

Большую частку сезона 2018 прапусціў з-за траўмы, згуляў усяго ў 11 матчах (5 у чэмпіянаце Беларусі, 3 у еўракубках, 3 у Кубку і Суперкубку Беларусі). У снежні 2018 года ў якасці свабоднага агента перайшоў у бялградскую «Црвену Звезду», падпісаўшы кантракт на 2,5 гады^[5]. Разам з клубам стаў трохразовым чэмпіёнам Сербіі.

У чэрвені 2021 года на правах свабоднага агента падпісаў двухгадовы кантракт з турэцкім «Аланьяспорам»^[6]. У ліпені 2022 года пакінуў клуб і хутка вярнуўся ў «Црвену Звезду».

Міжнародная кар’ера

25 мая 2016 года дэбютаваў у складзе нацыянальнай зборнай Сербіі ў таварыскім матчы супраць Кіпра, адгуляўшы ўсе 90 хвілін^[7].

Дасягненні

• 01 Чэмпіён Беларусі (4): 2015, 2016, 2017, 2018
• Уладальнік Кубка Беларусі: 2015
• Уладальнік Суперкубка Беларусі (2): 2015, 2017
• 01 Чэмпіён Сербіі (4): 2019, 2020, 2021, 2023
• Уладальнік Кубка Сербіі (2): 2021, 2023
• Пераможца Першай лігі Сербіі: 2013/14
• Найлепшы абаронца чэмпіянату Беларусі (2): 2015, 2017
• У спісе 22 найлепшых футбалістаў чэмпіянату Беларусі (2): 2015, 2017