Нясета

Нясёта, Нясе́та — рака ў Клічаўскім раёне Магілёўскай вобласці Беларусі, правы прыток ракі Ольса (басейн Дняпра).

Нясета
Характарыстыка
Даўжыня	39 км
Басейн	346 км²
Расход вады	1,8 м³/с (у вусці)
Вадацёк
Выток
• Месцазнаходжанне	за 1 км на паўночны захад ад вёскі Куцін
• Каардынаты	53°41′02″ пн. ш. 29°06′09″ у. д.HGЯO
Вусце	Ольса
• Месцазнаходжанне	каля аграградка Бацэвічы
• Каардынаты	53°24′22,50″ пн. ш. 29°14′24″ у. д.HGЯO
Ухіл ракі	0,4 м/км
Размяшчэнне
Водная сістэма	Ольса → Бярэзіна → Дняпро → Чорнае мора
Краіна	Беларусь
Рэгіён	Магілёўская вобласць
Раён	Клічаўскі раён
выток вусце
— выток, — вусце

Назва

На думку У. Тапарова, назва Нясета балцкага паходжання. З такой жа назвай іншая рака — прыток Бярэзіны. Тая ж аснова *Nes-et- у назве Нясетня (прыток прыпяцкай Пцічы)^[1].

Тапароў і Трубачоў бачаць у суфіксе -ета доказ балцкага паходжання назвы, але не прыводзяць значэння самой асновы. Не выключана магчымасць сувязі назвы пасялення з размоўным імем Несім (Анісім), тады нясята — нашчадкі Несіма (Анісіма)^[2].

Корань *Nes- дастаткова папулярны ў старабалцкай гідраніміі Верхняга Падняпроўя^{[крыніца?]}.

Корань *Nes- таксама ў назвах Нес(с)а^[ru][3] (у басейне дзесенскай ракі Нярусы) і *Несла (< *Nes-l-, тры прыпяцкія ракі, адна верхнедняпроўская)^[4].

Гідраграфія

Даўжыня ракі 39 км. Плошча вадазбору 346 км². Сярэднегадавы расход вады ў вусці 1,8 м³/с. Сярэдні нахіл воднай паверхні 0,4 ‰.

Асноўныя прытокі — Гарадзечанка і Турчанка (леваруч).

Пачынаецца за 1 км на паўночны захад ад вёскі Куцін, вусце каля аграгарадка Бацэвічы. Цячэ па Цэнтральнабярэзінскай раўніне.

Даліна невыразная. Абалона двухбаковая, шырынёй 0,1—0,3 км. Рэчышча каналізаванае, шырынёй 4—12 м. Выкарыстоўваецца як водапрыёмнік меліярацыйных каналаў.