Ніна Васільеўна Галіноўская

Ніна Васільеўна Галіноўская (18 снежня 1935, в. Вялікія Лазіцы, Шклоўскі раён, Магілёўская вобласць — 25 мая 2025, г. Мінск) — беларуская паэтэса.

Ніна Васільеўна Галіноўская
Асабістыя звесткі
Дата нараджэння	18 снежня 1935(1935-12-18)
Месца нараджэння	Вялікія Лазіцы, Таўкачоўскі сельсавет, Шклоўскі раён, Беларуская ССР, СССР
Дата смерці	25 мая 2025(2025-05-25) (89 гадоў)
Месца смерці	Мінск, Беларусь
Грамадзянства	Беларусь
Альма-матар	Магілёўскае дашкольнае педагагічнае вучылішча (1955)
Месца працы	Мінская праўда
Прафесійная дзейнасць
Род дзейнасці	паэтка
Мова твораў	беларуская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў
Прэміі	літаратурная прэмія імя Янкі Маўра (2000)

У Вікіпедыі ёсць артыкулы пра іншых людзей з прозвішчам Галіноўская.

Біяграфія

Нарадзілася ў сялянскай сям’і. У 1955 г. скончыла Магілёўскае дашкольнае педагагічнае вучылішча. Працавала выхавацелькай дзіцячага сада торфапрадпрыемства «Калпеніца» Брэсцкай вобласці, карэктарам газеты «Мінская праўда» (1962—1963). Член Саюза пісьменнікаў СССР з 1985 г.^[1]

Памерла 25 мая 2025 года^[2].

Творчасць

Першы верш апублікавала ў 1958 г. (скідальская раённая газета «Красное знамя»). Аўтар кніжак вершаў для дзяцей «Давайце пазнаёмімся» (1962), «Лясная зарадка» (1965), «Размова сняжынак» (1968), «Сяргейкаў параход» (1972), «Кніжчыны сябры» (1975), «Мой дзень» (1977), «Зай прагназіст» (1979), «Незвычайны карагод» (1986), «Восень едзе ў магазін» (1990), калектыўнага зборніка «Калі ветрык спачывае» (1985).