Ніна Георгіеўна Краснова

У Вікіпедыі ёсць артыкулы пра іншых людзей з прозвішчам Краснова.

Ніна Георгіеўна Краснова (31 мая 1928(1928-05-31), Гомель, Гомельская акруга — 22 кастрычніка 2012(2012-10-22)^[1]) — беларускі гісторык. Кандыдат гістарычных навук (1969), прафесар (1978).

Ніна Георгіеўна Краснова
Нараджэнне	31 мая 1928(1928-05-31) Гомель, Гомельская акруга, Беларуская ССР, СССР
Смерць	22 кастрычніка 2012(2012-10-22)[1] (84 гады)
Муж	Леанід Ігнатавіч Валаховіч
Месца працы	Беларускі дзяржаўны ўніверсітэт замежных моў
Узнагароды	Заслужаны работнік народнай адукацыі Беларускай ССР[d] (1988)

Біяграфія

Скончыла Беларускі дзяржаўны ўніверсітэт (спецыяльнасць «Гісторыя», 1951; аспірантура, 1954).

Працавала ў ЦК ЛКСМБ (1952—1959, загадчык аддзела, сакратар), ЦК КПБ (1959—1970, намеснік начальніка аддзела навукі і навучальных устаноў), Мінскім дзяржаўным лінгвістычным універсітэце (у 1970—1990 — рэктар, 1991—2011 — прафесар кафедр палітычнай гісторыі, гісторыі і беларусазнаўства, айчыннай гісторыі і сусветнай культуры).

Навуковыя інтарэсы: гісторыя Беларусі; гісторыя і арганізацыя адукацыі ў Беларусі.

Узнагароды

Званне «Заслужаны работнік народнай адукацыі Беларускай ССР» (1988), ордэны Працоўнага Чырвонага Сцяга (1966), «Знак Пашаны» (1960, 1981) і інш.