Ніна Міхайлаўна Кручкова

У Вікіпедыі ёсць артыкулы пра іншых людзей з прозвішчам Кручкова.

Ніна Міхайлаўна Кручкова (31 сакавіка 1939, Бабруйск — 16 мая 2003, Мінск) — доктар біялагічных навук, прафесар.

Ніна Міхалаўна Кручкова
Дата нараджэння	31 сакавіка 1939(1939-03-31)
Месца нараджэння	Бабруйск, БССР
Дата смерці	16 мая 2003(2003-05-16) (64 гады)
Месца смерці	Мінск, Беларусь
Грамадзянства	СССР  Беларусь
Род дзейнасці	біёлаг
Навуковая сфера	Экалогія
Месца працы	БДУ
Навуковая ступень	доктар біялагічных навук
Навуковае званне	прафесар
Альма-матар	Беларускі дзяржаўны ўніверсітэт у Мінску
Навуковы кіраўнік	Г.Г. Вінберг

Біяграфія

Нарадзілася 31 сакавіка 1939 года ў г. Бабруйску Магілёўскай вобласці. У 1961 годзе скончыла біялагічны факультэт БДУ. З 1963 па 1966 гг. — аспірант кафедры заалогіі бесхрыбтовых і стажор Інстытута санітарыі і гігіены ЧССР (Прага).

1968 г. — абараніла кандыдацкую дысертацыю «Роль зоопланктона в процессах самоочищения водоемов». З 1966 г. па 1985 г. — працавала малодшым, затым старшым навуковым супрацоўнікам НІЛ гідраэкалогіі біялагічнага факультэта БДУ. 1984 г. — абараніла доктарскую дысертацыю «Роль зоопланктона в трофодинамике водоемов».

З 1985 г. па 1996 г. — Н.М. Кручкова загадвала кафедрай агульнай экалогіі і методыкі выкладання біялогіі БДУ.

16 мая 2003 г. — Ніна Міхайлаўна Кручкова памерла.

Навуковая дзейнасць

Ніна Міхайлаўна Кручкова з'яўлялася вучаніцай прафесара Г. Г. Вінберга. Яе асноўныя навуковыя інтарэсы былі звязаны з вывучэннем трафічных узаемаадносін водных арганізмаў і механізмаў біялагічнага самаачышчэння вадаёмаў. Вынікі шматгадовых даследаванняў Н.М. Крючковой абагульнены ў манаграфіі «Трофические взаимоотношения зоо- и фитопланктона» (1989)^[1]. Яна чытала студэнтам лекцыі па агульным курсе «Экалогія і рацыянальнае прыродакарыстанне», спецыяльныя курсы «Экалагічная фізіялогія», «Гидроэкология». Н.М. Кручкова апублікавала больш за 130 навуковых і вучэбна-метадычных работ.

Асноўныя працы

• Крючкова Н.М. Роль зоопланктона в процессах самоочищения водоемов. Автореф. Дис. канд. б. н. – Минск, 1968. – 25 с.
• Биологические процессы и самоочищение на загрязненном участке реки. Мн., 1972 (в соавт.);
• Крючкова Н.М., Рыбак В.К., Петрович П.Г. Сезонная и многолетняя динамика // Экологическая система Нарочанских озер. – Мн., 1985. – С. 127-134.
• Крючкова Н.М. Трофические взаимоотношения зоо- и фитопланктона / Н. М. Крючкова; Отв. ред. Г. Г. Винберг, Л. М. Сущеня; АН СССР, Всесоюз. гидробиол. о-во. - М. : Наука, 1989. - 124 с.
•  Экалагічны слоўнік = Экологический словарь : кніга для вучняў / пад рэд.Н.М.Кручковай   .-  Мінск : Народная асвета, 1993 .- 225c .

Зноскі

1. История кафедры общей экологии и методики преподавания биологии Биологического факультета БГУ. Архівавана 20 верасня 2017.. www.bio.bsu.by.