Олуша паўночная

Паўночная, або звычайная о́луша (Morus bassanus) — буйная марская птушка сямейства олушавых, распаўсюджаная ў Паўночнай Атлантыцы.

Олуша паўночная
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Пеліканападобныя Сямейства:  Олушавыя Род:  Morus Від:  Олуша паўночная
Міжнародная навуковая назва
Morus bassanus Linnaeus, 1758
Наменклатурны тып
* Sula bassana
Арэал
Ахоўны статус
Выклікаюць найменшыя асцярогі IUCN 3.1 Least Concern : / 22696657
Сістэматыка на Віківідах Выявы на Вікісховішчы ITIS   174712 NCBI   37578 EOL   45509065 FW   369043

Апісанне

Даўжыня цела 87-100 см, размах крылаў 165-185 см. Дарослыя белыя, з жоўтай галавой і чорнымі канцамі крылаў. Хвост клінаваты. Маладыя птушкі бура-карычневыя. У пераходным уборы белыя з карычневымі плямамі.

Пашырэнне

Арэал: Паўночная Атлантыка (Нарвегія, Брытанскія, Шэтландскія, Фарэрскія і Нармандскія астравы, Ірландыя, Ісландыя, Лабрадор, Ньюфаўндленд, Канада). Насяляе высокія, абрывістыя скалы па-над берагамі мораў і акіянаў, адкрытыя воды. Пералётны від, часткова качуе. Сустракаецца на Шпіцбергене, востраве Мядзведжым, у Люксембургу, Фінляндыі, Эстоніі, Латвіі, Літве, Польшчы, Чэхіі, Аўстрыі, Балгарыі, на Азорах, Астравах Зялёнага Мыса. Вядомы прынамсі адзін выпадак, калі паўночная олуша заляцела выпадкам на тэрыторыю Беларусі^[1]. Месцы зімовак каля берагоў Паўночна-Заходняй Афрыкі і Заходняй Еўропы, на Атлантыцы, Паўночным і Міжземным морах.

Асаблівасці біялогіі

Гняздуе ў калоніях, гняздо на зямлі або скальных выступах на абрывістых узбярэжжах, выслана водарасцямі з прымессю наземных раслін.

Яйка Morus bassanus

Яйкі (1, часам 2) авальныя, падоўжаныя. Адразу пасля адкладкі блакітнаватыя, пакрытыя белым вапнавым налётам, які пад час наседжвання знікае, а на яйку з'яўляюцца бураватыя плямкі. Памеры: 78 х 53 мм^[2].