Опальскі сельсавет

О́пальскі сельсавет — адміністрацыйна-тэрытарыяльная адзінка ў складзе Іванаўскага раёна Брэсцкай вобласці Беларусі. Цэнтр — аграгарадок (да 2010 года вёска) Опаль.

Опальскі сельсавет
Краіна	Беларусь
Уваходзіць у	Іванаўскі раён
Уключае	9 населеных пунктаў
Адміністрацыйны цэнтр	Опаль
Дата ўтварэння	12 кастрычніка 1940
Насельніцтва (2019)	1 556
Часавы пояс	UTC+03:00
Код аўтам. нумароў	1

Утвораны 12 кастрычніка 1940 года ў складзе Іванаўскага раёна Пінскай вобласці. З 8 студзеня 1954 года ў складзе Брэсцкай вобласці. З 25 снежня 1962 года па 6 студзеня 1965 года ў складзе Драгічынскага раёна. На 1 студзеня 1974 года ў складзе Опальскага сельсавета 4 населеныя пункты^[1]. 26 чэрвеня 2013 года да сельсавета далучана тэрыторыя скасаванага Псышчаўскага сельсавета (5 населеных пунктаў: Вартыцк, Лучкі, Псышчава, Святаполка, Упірава)^[2].

Насельніцтва сельсавета паводле перапісу 2009 года (4 населеныя пункты) — 1160 чалавек^[3], з іх 98,5 % — беларусы, 0,6 % — рускія, 0,6 % — украінцы^[4]; паводле перапісу 2019 года (9 населеных пунктаў) — 1556 чалавек^[5].