Оса (паўвостраў)

Паўвостраў аддзяляе заліў Гольфа-Дульсе ад Ціхага акіяна і з’яўляецца другім па велічыні ў Коста-Рыцы пасля паўвострава Нікоя. Уваходзіць у склад правінцыі Пунтарэнас.

На паўвостраве маецца некалькі невялікіх рэк — Рынкон, Каркавада, Рыа Клара. Ля заходняга ўзбярэжжа знаходзіцца невялікае возера Каркавада. Найвышэйшым пунктам паўвострава з’яўляецца гара Рынкон (745 м).

Паўвостраў заняты вільготнымі трапічнымі лясамі. На яго тэрыторыі засяроджана амаль палова ўсёй флоры і фаўны краіны. Большую яго частку займае нацыянальны парк Каркавада. У парку сустракаюцца больш за 10 тысяч відаў насякомых, каля 400 відаў птушак і больш за 100 відаў земнаводных і паўзуноў. Таксама тут жывуць каля 140 відаў млекакормячых. Журнал «National Geographic» прызнаў прыроду паўвострава самай біялагічна насычанай з усіх вядомых экасістэм у свеце^[1]. Дзеля вывучэння прыроднага багацця паўвострава ў рэгіёне быў створаны навукова-даследчы цэнтр «Cerro Osa».

Найбольш буйным горадам паўвострава з’яўляецца Пуэрта-Хіменэс, які размешчаны на беразе заліва. Колькасць яго насельніцтва складае 8 000 чал. (2000). На паўвостраве амаль няма дарог. Сувязь паміж пасёлкамі ажыццяўляецца па пешаходных тропах альбо морам. У Пуэрта-Хіменэсе і Рынконе дзейнічаюць аэрапорты.

Оса

ісп. Península de Osa

Здымак паўвострава са спадарожніка

8°33′ пн. ш. 83°30′ з. д.^HGЯO

Акваторыя	Ціхі акіян


Найвышэйшы пункт	745 м

Краіна	Коста-Рыка




Оса


Медыяфайлы на Вікісховішчы

Оса (паўвостраў)

Геаграфія

Галерэя

Зноскі

Спасылкі

Wikiwand - on