Павел Паўлавіч Рудаўскі

Павел Паўлавіч Рудаўскі — грамадзянскі інжынер, архітэктар^[1].

Павел Паўлавіч Рудаўскі
Дата нараджэння	1859
Дата смерці	1919
Альма-матар	Санкт-Пецярбургскі дзяржаўны архітэктурна-будаўнічы ўніверсітэт (1885)
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Рудаўскі.

Біяграфія

Нарадзіўся ў 1859 годзе. З прыватнага рэальнага вучылішча паступіў у Пецярбургскае будаўнічае вучылішча ў 1876 годзе. Атрымаўшы па заканчэнні курса ў 1885 годзе званне грамадзянскага інжынера і права на чын XII класа, П. Рудаўскі быў запрошаны інжынерам у чэрдыньскае павятовае земства Пермскай губерні і займаўся тут таксама прыватнаю практыкай, а потым, у 1891 годзе пераведзены малодшым інжынерам у архангельскае будаўнічае аддзяленне. Гэту пасаду займаў да 1892 года. Акрамя гэтага ён складаўся членам камітэта па пабудове архангельскага тэхнічнага вучылішча, членам таварыства чырвонага крыжа і членам вольнага пажарнага таварыства ў г. Архангельску.

З 1892 года і прынамсі да 1898 года займаў пасаду малодшага архітэктара ў магілёўскім губернскім будаўнічым аддзяленні^[2]. Не пазней 1903 года стаў магілёўскім губернскім архітэктарам  (руск.)^[3], гэтую пасаду займаў да 1906 года^[4].

З 1906 па 1911 — губернскі інжынер губернскага будаўнічага аддзялення Уфы^[5]. З 1911 па 1919 (?) — губернскі інжынер інжынер Харкава^[5].

Творчасць

Аўтар праектаў грамадзянскіх і інжынерных збудаванняў у Чэрдыні, Архангельску, Казані, Уфе^[5]. У гісторыю рускага дойлідства ўвайшоў, як аўтар канчатковага варыянта конкурснага праекта народнага дома імя С. Ц. Аксакава ва Уфе (1909—1912) — самага буйнога на Урале, які прадстаўляў новы тым архітэктуры народнага дома ў масштабе ўсёй Расіі^[5], цяпер у гэтым будынку змяшчаецца Башкірскі тэатр оперы і балета  (руск.).

Асобныя творы

Багадзельня ў Чэрдыні. Спальны корпус

Башкірскі тэатр оперы і балета  (руск.)

• Шэраг пабудоў у г. Чэрдыні, якія захаваліся і цяпер фарміруюць ансабль гістарычнага цэнтра горада^[6]:
  • Прыхадское вучылішча (сучасны адрас вул. Юрганаўская, 58)
  • Драўляны мост цераз р. Касу  (руск.)
  • Мураваны дом і лаўкі з каморамі «таварыства спажыўцоў»
  • Мураваны трохпавярховы дом
  • Мураваная двухпавярховая багадзельня на 20 чалавек (сучасны адрас вул. Савецкая, 20)
  • Мураваныя двухпавярховыя казармы для мясцовай каманды
• Дом сп. Краус у г. Казані
• Праекты:
• Сельская бальница
• Драўляная бальніца ў г. Салікамску
• Медна-плавільны завод сп. Базілеўскага
• Лагерныя баракі з земляных цаглін у г. Саратаве
• Мураваны маяк  (руск.) на мысе Гарадзецкім у Белым моры^[7]
• Аксакаўскі народны дом  (руск.) ва Уфе (саўм. з К. А. Гуськовым да 1912 кіраваў будаўніцтвам)^[8]

Зноскі

1. Барановский Г. В. Юбилейный сборник сведений о деятельности бывших воспитанников Института гражданских инженеров (Строительного училища) 1842—1892. С. 292
2. Памятная книжка Могилевской губернии на 1898. С. 37 (руск.)
3. Памятная книжка Могилевской губернии на 1903. С. 13 (руск.)
4. Памятная книжка Могилевской губернии на 1906. С. 36 (руск.)
5. РУДАВСКИЙ Павел Павлович // Историческая Энциклопедия(недаступная спасылка) (руск.)
6. Г. Ш. Канторович  (руск.). Рудавский Павел Петрович(недаступная спасылка) (руск.)
7. Фатаграфія маяка на мысе Гарадзецкім
8. РУДАВСКИЙ Павел Павлович//Башкирская энциклопедия Архівавана 6 красавіка 2016.