Паводкі ў Рыу-Гранды-ду-Сул (2024)

У канцы красавіка і пачатку мая 2024 года ў штаце Рыу-Гранды-ду-Сул у Бразіліі адбыліся буйныя паводкі. У некаторых месцах выпала больш за 400 мм ападкаў^[5]. Агулам стыхія закранула 281 муніцыпалітэт. Станам на 1 чэрвеня зарэгістраваны 171 загінулы^[6].

Паводкі ў Рыу-Гранды-ду-Сул
Краіна	Бразілія
У адміністрацыйнай адзінцы	штат Рыу-Гранды-ду-Сул
Месцазнаходжанне	штат Рыу-Гранды-ду-Сул
Дата	28 красавіка 2024
Дата пачатку	28 красавіка 2024
Дата заканчэння	май 2024
Number of missing	38[1]
Колькасць параненых	806[2]
Колькасць загінулых	175 чал. (10 чэрвеня 2024)[1]
Нанесеная шкода	39 400 000 000 R$[3]
Спрыяльным фактарам з’яўляецца	2023–24 El Niño event[d]
Number of evacuated	423 486[4]
Медыяфайлы на Вікісховішчы

Ход падзей

Стыхія была выклікана надыходам халоднага фронту, звязаным з вобласцю нізкага ціску над морам. Разам з гэтым ішоў паток вільгаці, які рухаўся з поўначы Бразіліі^[7][8].

28 красавіка грамадзянская абарона Рыа-Гранды-ду-Сул выпусціла метэаралагічнае папярэджанне аб рызыцы з-за «асобных штормаў і перыядычных моцных дажджоў»^[9][10][11]. У той жа дзень на поўнач штата абрынуліся моцныя дажджы з ветрам. Пасля непагадзь ахапіла практычна ўвесь рэгіён^[9].

Станам на 30 красавіка каля 300 тысяч чалавек пакутавалі ад праблем з інфраструктурай, уключаючы адсутнасць электразабеспячэння, пітной вады, тэлефоннай сувязі і доступу ў Інтэрнэт. Дзясяткі дзяржаўных і федэральных аўтамагістралей былі цалкам або часткова перакрытыя^[12].

На наступны дзень, 1 мая, больш за 160 000 населеных пунктаў былі абясточаны, а 441 000 чалавек засталіся без вады^[13].

З-за дажджоў у 147 муніцыпалітэтах Рыа-Грандэ-ду-Сул зафіксаваны паводкі і апоўзні. 2 мая грамадзянская абарона штата паведаміла аб 13 загінулых, у той час як пажарная служба ваеннай брыгады пацвердзіла факт гібелі яшчэ 11 чалавек, 21 абвешчаны прапаўшым без вестак. Каля 67 800 чалавек пацярпелі ад наступстваў стыхіі. З іх 14 500 чалавек страцілі дамы^[14].

Ад паводкі пацярпеў гістарычны цэнтр Порту-Алегры. На некаторых вуліцах у горадзе рух быў магчымы толькі на лодках ^[15]. Мясцовы аэрапорт прыпыніў працу^[16].

Статыстыка

Дата	Пацярпелі гарады	Страцілі дамы	Загінулі	Прапалі без вестак	Крыніца
30.04	77	~300	5	18	[17]
01.05	114	~4 500	10	21	[18]
02.05	154	~14 900	29	60	[19]
03.05	265	~32 200	39	68	[20]
04.05	281	~32 962	56	67	[21]
05.05	341	~134 331	78	105	[22]
06.05	364	~149 300	83	111	[23]
07.05	388	~203 800	90	132	[24]
08.05	425	~231 214	100	130	[25]
09.05	425	~232 125	107	136	[26]
10.05	435	~406 733	113	146	[27]

Рэакцыя

1 мая ўлады штата абвясцілі надзвычайнае становішча^[28].

У пацярпелыя раёны накіраваны ратавальнікі з Санта-Катарыны і Параны^[29]. 2 мая штат наведаў прэзідэнт Бразіліі Луіс Інасіу Лула да Сілва^[14].