Падварышкі (Воранаўскі раён)

У паняцця ёсць і іншыя значэнні, гл. Падварышкі.

Падвары́шкі^[1] (трансліт.: Padvaryški, руск.: Подворишки) — вёска ў Воранаўскім раёне Гродзенскай вобласці. Уваходзіць у склад Беняконскага сельсавета.

Вёска Падварышкі Краіна Беларусь Вобласць Гродзенская Раён Воранаўскі Сельсавет Беняконскі Каардынаты 54°14′30″ пн. ш. 25°22′05″ у. д.HGЯO Насельніцтва ▼383 чал. (2009) Часавы пояс UTC+3 Тэлефонны код +375 1594 Паштовыя індэксы 231 2хх Аўтамабільны код 4 Падварышкі Падварышкі

Падварышкі на Вікісховішчы

Гісторыя

Самая старая згадка пра Падварышкі ў складзе Вялікага Княства Літоўскага датуецца 1690 годам, калі Стэфан Корф, канонік Жамойцкі, набыў маёнтак Гайцюнішкі, у склад якога ўваходзілі Падварышкі.

З 1795 года ў Расійскай імперыі. На пачатку XIX ст. вёска і маёнтак Падварышкі ў Беняконскай воласці Лідскага павета Віленскага ваяводства, належалі барону Каралю Остэн-Сакену і яго сыну Станіславу. У 1835 г. дачка Караля Вераніка Остэн-Сакен дазволіла, каб яе выкраў Адам Рымша, жанаты шляхціц. Праз шмат гадоў закаханыя ўзаконяць адносіны, так перайшла сядзіба да Рымшаў.

У 1842 годзе ў Падварышках меўся двор з трохпакаёвым домам з часанага дрэва, крыты саломай. Пад адным дахам з домам месцілася людская і варыўня (памяшканне для захоўвання садавіны і гародніны). На гаспадарчым двары меліся адрыны для жывёлы, хлеба, сена і саломы, валоўнік, птушнік, свіран, ледавік і бровар. У вёсцы Падварышкі стаяла карчма з дзвюмя хатамі і стайнямі.

На працягу ХІХ ст. Падварышкі належалі роду Рымшаў. Ганна Рымша выйшла замуж за Тадэвуша Кярсноўскага і перадала маёмасць сям'і мужа.

Сядзіба Рымшаў. Ян Булгак, першая палова XX ст.

З 1921 года ў складзе Польшчы, у Беняконскай гміне Лідскага павета Навагрудскага ваяводства. У 1939 годзе Падварышкі разам з прылеглымі хутарамі Рымшышкамі, Мядзінамі і лясной гаспадаркай Геленава, займалі плошчу каля 800 га. Апошнімі ўладальнікамі маёмасці былі Ганна і Тадэвуш Кярсноўскія, іх сын Рышард Кярсноўскі пакінуў успаміны аб Падварышках.

З 1939 года ў БССР.

Насельніцтва

• 1970 год — 343 чал.
• 1999 год — 505 чал.
• 2004 год — 442 чал.
• 2009 год — 383 чал.
• 2014 год — 341 чал.

Славутасці

• Сядзібны дом Рымшаў (1930—1931) з паркам.