Пакрывец

Пакрыве́ц^[1], анхуза (Anchusa)^[2] — род кветкавых раслін сямейства Бурачнікавыя (Boraginaceae).

Пакрывец
Пакрывец лекавы (Anchusa officinalis)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Надпарадак:  Asteranae Парадак:  Бурачнікакветныя Сямейства:  Бурачнікавыя Падсямейства:  Бурачнікавыя Трыба:  Boragineae Род:  Пакрывец
Міжнародная навуковая назва
Anchusa L. (1753)
Сінонімы
Anchusella Bigazzi, E.Nardi & Selvi Buglossum Mill. Hormuzakia Guşul. Lycopsis L. — Крывацвет Phyllocara Guşul.
Тыпавы від
Anchusa officinalis L. — Пакрывец лекавы
Сістэматыка на Віківідах Выявы на Вікісховішчы ITIS   31714 NCBI   89629 EOL   70954 GRIN   g:619 IPNI   4451-1

Арэал

Налічвае каля 50 відаў, пашыраных у Еўропе, Паўночнай і Сярэдняй Азіі, Паўночнай і Паўднёвай Афрыцы. На тэрыторыі Беларусі сустракаюцца пакрывец лекавы (Anchusa officinalis) і крывацвет палявы (Lycopsis arvensis).

Батанічнае апісанне

Anchusa arvensis. Батанічная ілюстрацыя з кнігі А. Маскле «Atlas des plantes de France», 1891

Аднагадовыя, двух- і шматгадовыя травяністыя расліны з прамастойнымі тоўстымі галінастымі сцёбламі вышынёй 30—100 см. Сцябло ўкрыта цвёрдашчаціністымі валаскамі, што сядзяць на бародаўках. Лісце сядзячае, падоўжанае, па краі хвалістае, з рэдкімі шчацінкамі. Кветкі сінега колеру, правільныя, сабраныя ў моцнааблісцелыя завіткі. Плод — чатырохарэшак.

Выкарыстанне

Лекавыя, дэкаратыўныя, меданосныя і фарбавальныя расліны.

Гл. таксама

• Anchusa azurea

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 14. — 160 с. — 2 350 экз.
2. Таксама 3 віды часам адносяць да асобнага рода Крывацве́т (Lycopsis)