Пальчатакарэннік майскі

Пальчатакарэннік майскі^[1] (Dactylorhiza majalis) — від шматгадовых травяністых раслін роду Пальчатакарэннік (Dactylorhiza) сямейства Архідныя (Orchidaceae).

Пальчатакарэннік майскі
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Спаржакветныя Сямейства:  Архідныя Падсямейства:  Orchidoideae Трыба:  Orchideae Род:  Пальчатакарэннік Від:  Пальчатакарэннік майскі
Міжнародная навуковая назва
Dactylorhiza majalis (Rchb.) P.F.Hunt & Summerh. (1965), nom. cons.
Выявы на Вікісховішчы ITIS   894639 NCBI   231484 EOL   1093191 GRIN   t:417500 IPNI   626644-1 TPL   kew-55447

Батанічнае апісанне

Батанічная ілюстрацыя з кнігі Я. Копса «Flora Batava», 1800—1934

Шматгадовая травяністая расліна вышынёй 15-60 см, з двума пальчатаасобнымі клубнямі. Лісце шырокае, яйцападобна-ланцэтнай формы, як правіла з цёмнымі плямамі. Кветкі лілова-пурпуровага або цёмна-фіялетавага колеру, сабраныя ў колас. Плод — сухая каробачка. Цвіце ў канцы мая — пачатку чэрвеня.

Расце на сырых лугах, па ўзлесках^[2].

Арэал

У Расіі сустракаецца толькі ў Калінінградскай вобласці. Асноўная частка арэала знаходзіцца ў Паўночнай і Заходняй Еўропе.

У Беларусі сустракаецца па ўсёй тэрыторыі^[2].

Ахоўны статус

З'яўляецца рэдкім відам. Занесены ў Чырвоныя кнігі Беларусі, Літвы, Расіі, Калінінградскай вобласці.

Батанічная класіфікацыя

Сінонімы

Паводле The Plant List^[3]:

• Dactylorchis majalis (Rchb.) Verm.
• Dactylorhiza comosa subsp. majalis (Rchb.) P.D.Sell
• Dactylorhiza latifolia (L.) H.Baumann & Künkele
• Dactylorhiza latifolia (L.) Rothm.
• Dactylorhiza majalis (Rchb.f.) Rauschert
• Orchis latifolia var. majalis (Rchb.) Nyman
• Orchis majalis Rchb.

Выкарыстанне

Выкарыстоўваецца ў народнай медыцыне; добры меданос.

Зноскі

1. Беларуская энцыклапедыя: У 18 т. Т.12: Палікрат — Праметэй / Рэдкал.: Г. П. Пашкоў і інш. — Мн.: БелЭн, 2001. — Т. 12. — 560 с. — 10 000 экз. — ISBN 985-11-0198-2 (Т. 12).
2. Ятрышники // Лекарственные растения и их применение. — 5-е, перераб. и. доп.. — Мн.: «Наука и техника», 1974. — С. 98-99. — 592 с. — 120 000 экз.
3. Dactylorhiza majalis (Rchb.) P.F.Hunt & Summerh. (англ.). The Plant List (2010). Version 1. Published on the Internet; http://www.theplantlist.org/. Royal Botanic Gardens, Kew and Missouri Botanical Garden (17 ліпеня 2010). Архівавана з першакрыніцы 28 кастрычніка 2012. Праверана 26 жніўня 2012.

Гэты від занесены ў Чырвоную кнігу Беларусі і ахоўваецца законам. III катэгорыя (VU)