Папаратнянскі сельсавет

Папаратня́нскі сельсавет — адміністрацыйна-тэрытарыяльная адзінка ў складзе Жлобінскага раёна Гомельскай вобласці Беларусі. Адміністрацыйны цэнтр — аграгарадок (да 2010 года вёска) Папаратнае.

Папаратнянскі сельсавет
Краіна	Беларусь
Уваходзіць у	Жлобінскі раён
Уключае	7 населеных пунктаў
Адміністрацыйны цэнтр	Папаратнае
Дата ўтварэння	20 жніўня 1924
Насельніцтва (2019)	1 027
Часавы пояс	UTC+03:00
Код аўтам. нумароў	3
Афіцыйны сайт

Утвораны 20 жніўня 1924 года ў складзе Стрэшынскага раёна Бабруйскай акругі БССР. З 4 жніўня 1927 года ў складзе Жлобінскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Жлобінскім раёне БССР. З 20 лютага 1938 года ў складзе Гомельскай вобласці. З 28 чэрвеня 1939 года ў складзе адноўленага Стрэшынскага раёна, з 17 снежня 1956 года ў складзе Жлобінскага раёна. 1 снежня 1966 года скасаваны пасёлак Першамайск (зліўся з пасёлкам Ліпаў)^[1], 18 кастрычніка 1967 года — пасёлак Работка (зліўся з вёскай Новая Карма)^[2]. На 1 студзеня 1974 года ў складзе Папаратнянскага сельсавета 8 населеных пунктаў^[3]. 1 красавіка 1983 года скасаваны пасёлак Ліпаў^[4].

Насельніцтва сельсавета паводле перапісу 2009 года — 1192 чалавекі^[5], з іх 94,5 % — беларусы, 3,4 % — рускія, 0,9 % — украінцы^[6]; паводле перапісу 2019 года — 1027 чалавек^[7].

Зноскі

1. Рапановіч, Я. Н. Слоўнік назваў населеных пунктаў Гомельскай вобласці / Я. Н. Рапановіч; Рэд. П. П. Шуба. — Мінск: Навука і тэхніка, 1986. — 240 с.
2. Рашэнне выканкома Гомельскага абласнога Савета дэпутатаў працоўных ад 18 кастрычніка 1967 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 33 (1191).
3. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 86. — 248 с. — 10 000 экз.
4. Рашэнне выканкома Гомельскага абласнога Савета народных дэпутатаў ад 1 красавіка 1983 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1983, № 13 (1747).
5. Колькасць насельніцтва населеных пунктаў Гомельскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Колькасць насельніцтва населеных пунктаў Гомельскай вобласці Беларусі паводле перапісу 2019 года