Папяровая фабрыка Дзяржзнака

«Папяровая фабрыка» Дзяржзнака — прадпрыемства ў горадзе Барысаве. Размешчана па адрасе вуліца Заводская, 55.

«Папяровая фабрыка» Дзяржзнака
Тып	Унітарнае прадпрыемства
Заснаванне	1902
Краіна	Беларусь
Галіна	Цэлюлозна-папяровая прамысловасць
Прадукцыя	высокаабароная бланачная прадукцыя, папярова-чыставыя тавары, канверты
Сайт	goznakpaper.by

Гісторыя

Канверт 2002 года з выявай будынка Папяровай фабрыкі Дзяржзнака, прысвечаны 100-годдзю прадпрыемства.

Заснавана ў 1902 годзе як папяровая фабрыка «Папірус», з 1922 года — «Прафінтэрн». У 1923—1941 гадах мадэрнізавана і пашырана. Вырабляла абгортачную і абіўную (з 1923) паперу. Адноўлена ў 1945 годзе. У 1949 і 1960—1970 гадах абноўлены папераробныя машыны, пашыраны асартымент прадукцыі. З 1971 года падраздзяленне Барысаўскага папярова-лесахімічнага завода. У 1970—1980 гадах пабудаваны новы папяровы цэх. З 1992 года ў ведамстве Камітэта дзяржаўных знакаў пры СМ Беларусі пад назвай вытворчае УП «Папяровая фабрыка» Дзяржзнака Беларусі Дэпартамента дзяржаўных знакаў Міністэрства фінансаў Рэспублікі Беларусь.

Прадукцыя

Вырабляе (2005) высокаабароненую бланачную прадукцыю, папярова-чыставыя тавары, канверты, поўнакаляровую этыкетку, рулонную паперу і інш.

Літаратура

• Борисовская бумажная фабрика Госзнака // Республика Беларусь: Энциклопедия в 7 т. Т. 2: А — Герань / редкол. Г. П. Пашков и др. — Минск: БелЭн, 2006. — 912 с : ил. — ISBN 985-11-0341-1. — ISBN 985-11-0371-3 (Т. 2).

Спасылкі

• Афіцыйны сайт Архівавана 28 чэрвеня 2018.