Партызанская брыгада імя І. В. Сталіна (П. І. Гулевіч)

У паняцця ёсць і іншыя значэнні, гл. Партызанская брыгада імя І. В. Сталіна.

Партызанская брыгада імя І. В. Сталіна — партызанская брыгада, створаная ў лістападзе 1942 года на базе 125-га атрада імя Сталіна, арганізаванага ў сакавіку 1942 года ў Дзяржынскім раёне. Дзейнічала на акупіраванай тэрыторыі Валожынскага, Дзяржынскага, Івянецкага, Мінскага, Стаўбцоўскага раёнаў. 5 ліпеня 1944 года брыгада (1160 партызан, 5 атрадаў) злучылася з Чырвонай Арміяй.

Партызанская брыгада імя І. В. Сталіна
Гады існавання	1942—1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Баранавіцкае партызанскае злучэнне
Тып	партызаны
Функцыя	змаганне з акупантамі
Колькасць	1160 партызан (5.7.1944)
Дыслакацыя	Валожынскі, Дзяржынскі, Івянецкі, Мінскі, Стаўбцоўскі раёны
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	П. І. Гулевіч

Склад

Пры фарміраванні брыгада з асабовага складу 125-га атрада імя Сталіна былі створанаы атрады «Бальшавік», імя Дзяржынскага і імя Суворава. У снежні ў брыгаду былі ўключаны асобна дзейныя атрады імя Чапаева і імя Будзённага. Пазней у брыгадзе былі сфарміраваны атрады імя Пархоменкі, імя Панамарэнкі і іншыя. У кастрычніку 1943 года на базе атрада імя Дзяржынскага была створана партызанская брыгада імя Ф, Э. Дзяржынскага, у снежні 1943 года на базе атрадаў імя Чапаева і імя Пархоменкі — партызанская брыгада імя В. І. Чапаева, на базе атрадаў імя Будзённага і імя Панамарэнкі — партызанская брыгада імя П. К. Панамарэнкі. На момант злучэння з Чырвонай арміяй у склад брыгады ўваходзілі:

• атрад «Бальшавік»;
• атрад імя Суворава;
• атрад імя Рыжака^[1];
• атрад імя Кірава;
• атрад імя Сталіна.

Камандаванне

Камандзір

• П. І. Гулевіч

Камісар

• А. Г. Мурашоў

Начальнік штаба

• І. К. Карпаў

Гісторыя

Партызаны брыгады разам з іншымі брыгадамі і атрадамі у 1942 і ў пачатку 1943 наносілі удары па апорным пунктам, гарнізонам і паліцэйскім участкам, ачышчалі ад ворага Івянецкую зону. У ліпені — жніўні 1943 года правялі 17 баёў супраць карных экспедыцый і за выхад з блакады. У чэрвені 1944 года зрабілі 24 дыверсіі, пусцілі пад адхон 6 эшалонаў, падарвалі 3 масты, 14 аўтамашын. У ноч на 20 чэрвеня 1944 года на ўчастку Коласава — Негарэлае падарвалі каля 600 рэек, пашкодзілі 500 метраў тэлефонна-тэлеграфнай лініі.

Гл. таксама

• Комараўскі бой
• Налібоцкія баі (1942, 1943)

Зноскі

1. названы ў гонар камандзіра 125-га атрада імя Сталіна С. А. Рыжака, які загінуў у баі.